AS NOSSAS

Comissons

A Gentalha estrutura-se em comissons. Cada uma destas comissons som grupos de trabalho temáticos e na altura estam a funcionar as de língua, meio natural, história, cultura científica, conselho geral e local. A nossa associaçom gere um local social no que nom só acolhemos as nossa actividades senom que também serve como sede de outras entidades e é empregado por qualquer outra associaçom que o solicite, apenas com a condiçom de que a actividade a se desenvolver tenha como língua veicular o nosso idioma. Gostarias de participar?

Conselho geral

Somos todas as sócias que tentamos fazer encaixar as peças do puzzle gentalheiro, reflectimos sobre a orientaçom política do projeto e mantemos relaçom com outras entidades

Cultura

Nesta comissom trabalhamos para reivindicar a nossa cultura tradicional e também para
mergulharmo-nos nas novas criaçons das nossas artistas e do nosso povo.

Cultura científica

Somos um grupo de ativistas preocupadas com o auge de discursos negacionistas e de práticas que, em nome da ciência, estafam e mesmo atentam contra a saúde pública

Defesa da língua

A comisson de defesa da língua está formada por um grupo de pessoas preocupadas polo futuro da nossa língua. Nom queremos cair no vitimismo mas procurar soluçons e dar alternativas a um processo de substituiçom lingüística cada vez mais sufocante.

História

Trabalhamos pola memória da comarca abrangendo desde ontem e até onde as pedras falem. Fazemos palestras, apresentaçons de livros, publicaçons de distintos materiais (cartazes, trípticos, láminas, etc.)

Hack Pichel

Somos um grupo de pessoas entusiastas de fedelhar com diferentes tipos de trebelhos electrónicos e programas informáticos. Para isso nom duvidamos em nos juntar de quando em vez para romper alguma cousa e de passo poder aprender, ensinar e, como nom, partilhar todo o relacionado com o software e hardware livre. Se estás interessada no tema pom-te em contacto com nós em hackpichel@gentalha.org

Local

Somos o grupinho de ativistas da Gentalha do Pichel que estamos atentas às questons logísticas do local e à sua gestom de atividades. Apresentamos ideias para a agenda de eventos e para as necessidades materiais do local.

Meio natural

Nesta comissom trabalhamos para conhecermos o nosso meio, para defendê-lo das agressons dum capitalismo cada vez mais depredador. Organizamos roteiros, palestras, participamos em
iniciativas ecologistas…

Novas comissons

A Gentalha começou o seu andamento hai mais de quince anos com quatro comissons,
mas fôrom mudando em funçom dos interesses e das necessidades do projeto. Tes umha proposta de nova
comissom? Fai-nos chegar aquí a tua ideia.

Associaçom Cultural

A Gentalha DO PICHEL

Associa-te!

A Gentalha do Pichel constituiu-se em 2004 no Museu do Povo Galego.

O ano seguinte, logo dumha profunda reforma do local em Santa Clara 21, abriu o Centro Social o Pichel, gerido pola associaçom. Achávamos importante contribuirmos à estratégia de criaçom de centros sociais na Galiza, entendidos como espaços onde podermos desenvolver iniciativas para normalizar a nossa língua, fazendo-o dum ponto de vista reintegracionista.

A língua, a cultura, a história e o meio natural eram as quatro coordenadas polas que começamos a movernos na nossa viagem. Neste tempo, infinidade de inciativas e atividades fôrom tomando forma. Exposiçons, palestras, presentaçons, projeçons, concertos, jantares, livros, documentários, camisolas com os nossos desenhos…

Orgulhamo-nos de termos pulado por recuperar a figura do Apalpador, de termos sido o germe da primeira Semente do século XXI, de nom faltarmos à cita com a nossa festa do dezassete e de tantas atividades e iniciativas…

Mas o melhor ainda está por chegar.

Projetos e iniciativas

da gentalha do pichel

Á parte das comissons de trabalho, desde a Gentalha do Pichel levamos avante outros projectos e iniciativas, algúns vinculados a algumha comissom, outros para datas concretas, outros adicados a umha temática concreta, etc.

Local de ensaio

Local de ensaio para bandas em galego
Mais infomaçom

Festa do 17

O sábado antes do 17 de maio levarmos à ruas de Compostela actividades e concertos reivindicando a nossa língua.
Mais informaçom

Cursos

Cursos regulares, monográficos, universidade popular
Mais informaçom

Eclosom

Concurso de bandas emergentes do Pichel
Mais informaçom

Escola Tradicional Som do torreiro

Escola de baile e música tradicionais do Pichel
Mais informaçom

Projeto Pontos

Comercio local em galego
Mais informaçom

Observatório de Igualdade

O nosso grupo para melhorar e planificarmos as nossas atuaçons em chave de
gênero.
Mais informaçom

Sinaliza

Campanha de higiene lingüística
Mais informaçom

Apalpador

E há de vir o Apalpador…
Mais informaçom

Algum projeto mais?

Algúm novo projeto no que queiras participar?
Ligaçom

Centro Social Autogerido

O PICHEL

O Pichel é o centro social gerido pola associaçom cultural A Gentalha do Pichel. Situa-se na rua Santa Clara, número 21, em Compostela.

A Gentalha partilha o centro social com outros colectivos, como Briga, Ceivar, o Cineclube Compostela, a Federaçom ecologista Galega e o Novas da Galiza. Mas o centro social também está aberto a iniciativas doutros coletivos que podam precisar um espaço para desenvolver as suas atividades.

Só cumpre que seja em galego. O nosso centro social é um espaço livre de conteúdos machistas, homófobos, racistas ou xenófobos.

Horário de apertura

Segundas de 18.00 a 23.00

Terças de 18.00 a 23.00

Quartas de 18.00 a 21.30

Quintas de 18.00 a 23.00

Sextas de 19.00 a 1.30

Sábados de 19.00 a 00.00

Convenios de colaboraçom