Ontem, sábado 25 de maio, tivo lugar em Vigo, no Centro Cívico de Teis, a palestra “Eu quero umha escola Semente em Vigo, e tu?”, organizada polo grupo promotor deste centro na cidade. Assistírom pessoas da Semente Compostela, que explicárom o projeto, as dificuldades e as recompensas destes dous anos de trabalho, e encorajárom e dérom apoio às companheiras de Vigo neste caminho que estám a começar.
A convocatória foi um sucesso, e assistírom às conversas 26 adultas e adultos, para além das muitas crianças que nos acompanhárom. A Semente Compostela quer agradecer o convite feito polas companheiras de Vigo, e oferecer os seus recursos e canais de comunicaçom para contribuir com o seu projecto, que também é o nosso.
Animamos a todas as viguesas e vigueses interessados a que se ponham em contacto com o grupo promotor através do facebook da Semente. Neste barco estamos todas as que cremos num ensino em galego e autocentrado, e sonhamos com um mar de Sementes a agromar polo País. Parabéns!
