REFERENDO SOBRE O FUTURO POLÍTICO DA GALIZA 2014

19 de Outubro de 2014

boletimvoto

No vindouro 7 de novembro sexta-feira, dous dias antes que na Catalunha, as/os sócias/os d’A Gentalha do Pichel estamos convocadas/os a um referendo sobre o futuro político da Galiza. Neste nosso 7-N haverá colégio eleitoral (o C.S. O Pichel), boletins de voto e urna. Será no marco dumha Jornada catalá da que vos iremos informando ao longo da semana que vem.

A PERGUNTA
Quer que a Galiza seja um Estado?
SIM / NOM
Caso afirmativo, quer que esse Estado seja independente?
SIM / NOM

CENSO ELEITORAL
Poderá participar neste referendo qualquer pessoa associada à Gentalha que esteja ao dia no pagamento das suas quotas.
As pessoas nom associadas poderám adquirir o direito ao voto neste referendo fazendo-se ‘in situ’ sócias/os da Gentalha.

VOTO EM URNA
As/Os sócias/os da Gentalha poderám exercer o seu direito ao voto neste referendo no decurso da Jornada Catalá que se celebrará no C.S. O Pichel na tarde-noite da sexta-feira 7 de novembro de 2014.

Para poder exercer o seu direito ao voto, a pessoa associada deverá acreditar devidamente a sua identidade (mostrando o seu B.I. galego ou espanhol, por exemplo).

VOTO POR CORREIO (ELECTRÓNICO)
Também será possível participar neste referendo enviando um e-mail para gentalha@gentalha.org com o assunto “7n2014″ e a resposta ou respostas às perguntas do referendo (“SIM SIM”, “SIM NOM” ou “NOM”) no corpo da mensagem. Este e-mail deverá ser enviado do endereço de correio eletrónico que figure na base de dados da Gentalha (ou de um outro que nom apresente qualquer dúvida sobre a identidade da/do remetente).

O prazo para o voto por correio electrónico começa às 00h00 da sexta-feira, dia 7, e termina às 23h59 do domingo 9 de novembro de 2014 (é dizer, que por este meio poderá votar-se ao largo de todo o fim-de-semana).

REFERENDO VIRAL
Este Referendo sobre o futuro político da Galiza quer ser um evento viral. Por isso, da Gentalha do Pichel, encorajamos todos os Centros Sociais, associaçons culturais, juvenís, desportivas, de vizinhas/os, etc. que gostem desta iniciativa, a copiá-la livremente.

6 Responses to REFERENDO SOBRE O FUTURO POLÍTICO DA GALIZA 2014

  1. piorno
    26 de Outubro de 2014 at 23:12

    Muitos nom sócios que moram fora de Compostela também quereriam participar. Era bom abrir o voto para eles, contados em urna à parte, como voto da imigraçom, ;).

    • piorno
      26 de Outubro de 2014 at 23:13

      Voto da emigraçom, queria dizer, ou voto emigrante.

  2. 27 de Outubro de 2014 at 11:03

    Amigo Piorno: embora nom sejas sócio d’A Gentalha (espero que tenhas umha boa razom para nom sê-lo ;) farás parte, com certeza, dalgumha outra associaçom. D’A Gentalha do Pichel encorajamos-vos a que organizedes nesse fim-de-semana (da SEX 7-N ao DOM 9-N) um outro referendo segundo o nosso modelo. Agora é a hora!!!

  3. Unque Pasaba Poraqui
    28 de Outubro de 2014 at 15:04

    Ah, pois si, toda unha iniciativa democrática para a cal hai que ser socio dunha entidade privada e cun censo decidido mediante pagamento.

    Se é que temos o que nos merecemos con exemplos así.

  4. 30 de Outubro de 2014 at 11:41

    Prezado “Unque Pasaba Poraqui”: sente-te livre de organizar nalgumha das associaçons às que pertenças um referendo igual ao nosso. No ânimo d’A Gentalha do Pichel nom está fazer umha consulta referendária esclusiva para @s suas/seus sóci@s, bem ao contrário, animamos todas as associaçons da Galiza a fazer o mesmo (leia-se o último parágrafo intitulado “referendo viral”).

  5. 30 de Outubro de 2014 at 12:19

    Na Galiza (interior e exterior) há aproximadamente 2.700.000 pessoas com direito ao voto. Se fazemos um referendo aberto à cidadania toda, a participaçom vai ser percentualmente mui baixa. Vamos ver que participaçom atingimos entre a massa associada à Gentalha (300 pessoas, mais ou menos). Mas, insistimos, a ideia (o nosso ideal) é que a iniciativa se “copie” por todo o país, ao menos em todas as cidades. Ânimo!!!