Poder, Género e Feminismo: transformando as relaçons e os coidados nos grupos.

9 de Maio de 2017
NOVO CURSO NO 3 E 4 DE JUNHO:
“Poder, Género e Feminismo: transformando as relaçons e os coidados nos grupos” com Mar Cendón, María Rosendo e Mari Fidalgo.
Este obradoiro está dirixido a todas as persoas e colectivos interesados em melhorar a conciência pessoal e colectiva sobre este tema, en como afecta as relaçons e dinámicas dos grupos e na melhora do seu clima e funcionamento.

Tem um carácter teórico-práctico que abordará os seguintes contidos:

  1. Género, poder e privilégios.
  2. Os Coidados: (re) definiçom, gestom e integraçom dos coidados nos grupos.
  3. Umha olhada feminista ao trabalho em e com grupos.

Duraçom: 12 horas
Datas e horários:

Sábado 3 de Junho.
10 -14 e de 16-20 horas.
Domingo 4 de Junho.
10-14 horas.

poder

 Nº de participantes: mínimo 14, máximo 20

Coste:
65 euros

Bolsa de estudo:
Como iniciativa das formadoras ofrece-se a posibilidade de optar a duas Bolsas de Estudo.
“A ética feminista nos impulsa a buscar maneiras para que nenhuma pessoa que deseje participar nesta formaçom fique de fora por razons econômicas.
Por isso, reservamos 2 bolsas que serám sustentadas econômicamente pelo grupo. Com isto queremos pôr em valor o nosso trabalho e ao mesmo tempo construir democracia material feminista. Se queres aceder à bolsa ou ter mais informaçom sobre este tema, contacta conosco!”.*Data limitede inscriçom e formalizaçom do pagamento:
Envio de email a gentalha@gentalha.org e pagamento de 40€ (matrícula a restar do preço do curso) no nº de conta ES89 2080 5155 9130 4002 5884 antes do 26 de Maio. Após esta data nom se devolverá a matrícula em caso de cancelaçom da inscriçom. Se o curso nom for adiante, a matrícula será devolta na súa totalidade.Pessoas facilitadoras do obradoiroMar Cendón
Tem formaçom em Ciencias Políticas e Estudos de Género e adica-se a projetos vinculados ao feminismo no ámbito da educacçom, a divulgaçom e a comunicaçom, o activismo, a creaçom artística e em todos os seus projetos de vida.
Reivindica a vulnerabilidade e a resistência e trabalha pola despatriarcaliçom dos espaços e das relaçons e a construçom colectiva e autogestionada de ferramentas de empoderamento.

María Rosendo
Filóloga, Educadora social e Máster de Género.
Desde o ano 2009 dinamiza, desde a perspectiva feminista, múltiples espaços de autoestima, género e vínculos amorosos com mulheres adultas e com adolescentes em diferentes centros e espaços do país.
Tem feito o primeiro e segundo nivel de Facilitaçom e Gestom de Grupos com o Ceida – Ifface. Na actualidade é estudante de Traballo de Procesos no Instituto de Trabajo de Procesos de Barcelona.
Acredita no feminismo como forma de estarmos e relacionármo-nos no mundo, e desde aí vive o seu cotiá.

Mari Fidalgo
Licenciada en Psicoloxía com especializaçom em Psicoloxía Social e formaçom em gestión e facilitaçom de grupos.
Logo de deixar Salvador de Bahia no ano 2002 e emprender migración cara a Compostela, passa a participar no tecido social local, actuando en distintos ámbitos. Desde entom desenvolve actividades de sensibilizaçom e formaçom sobre migracións, género e feminismo e dereitos sociais. Na actualidade está a formar-se na Escuela Hispánica de Biodanza de Madrid, confiante no potencial que tem esta ferramenta para o cámbio pessoal e colectivo.
Define-se como activista na construçom de vidas dignas, plenas, felizes e em liberdade, desde a centralidade dos coidados e o bom trato como aposta política.

INSCREVE-TE!