Universidade Popular 2017! Do 17 ao 21 de Julho.

7 de Julho de 2017

Mais um verao chega a Universidade Popular ao Pichel! Do 17 ao 21 de Julho, o centro social encherá-se de gente a partilhar saberes e experiências. Se queres participar em cursos de ecologia, género, línguas, gastronomia, dança, tecnologia, música… é IMPORTANTE reservares praça até dous dias antes de cada curso em gentalha@gentalha.org

  • Preço por curso: 3€ (3’5€ nom sócia)
  • Abono todos os cursos: 8€ (10€ nom sócias)

INSCRIÇOM OBRIGATÓRIA em gentalha@gentalha.org até dous dias antes do curso.

Embaixo tes os graus e o calendário dos cursos com a informaçom de cada um. Bota umha olhada!

universidade popular 2017

 

ESPECIALIZA-TE NOS GRAUS:

COM OS PÉS

  • Entra no baile a bailar(e). Iniciaçom às foliadas. Chus Caramés. 2ªFeira 17. De 20h a 21h.
  • Iniciaçom ao samba no pé. Márlio Barcelos. 3ª Feira 18. De 18h a 19h30.
  • Dizes que toco pesado. Anda tu, baila ligeiro (II). Iniciaçom ao jeito de bailar da montanha lucense. Roberto Rodríguez. 4ª Feira 19. De 20h30 a 21h30.
  • Nom bailes o agarrado que é cousa de muito pecado. Lorena Toimil e Hilda Cuba. 5ª Feira 20. De 20h a 21h30.

COM O INSTRUMENTO

  • Chascarraschás. Carme Iglesias. 4ª Feira 19. De 18h30 a 19h30.
  • Dizes que toco pesado. Anda tu, baila ligeiro (I). Iniciaçom à pandeira. Noemi Basanta. 4ª Feira 19. De 19h30 a 20h30.
  • Toques de pandeiro com baqueta. Ricardo Casás. 5ª Feira 20. De 12h a 14h.

 COM A LINGUA

  • Cozinha silvestre. Silvia Méndez. 2ª Feira 17. De 12h a 13h30.
  • O milhor prebe: a fome! Luzia Álvares. 2ªFeira 17. De 19h a 20h30.
  • Veganismo doce. Alba Souto. 3ª Feira 18. De 19h30 a 21h30.
  • Cozinha com língua catalá. Susana Amado. 4ª Feira 19. De 19h30 a 20h30.
  • Cozinha com língua italiana. Chiara Pedizzi. 4ª Feira 19. De 21h30 a 22h30.

 COM A EXPRESSOM CORPORAL

  • Laboratório de movimento. Elsa Pereira. 2ªFeira 17. De 18h a 19h.
  • Introduçom ao Teatro Foro como ferramenta transformadora. Paula Lubián e Beatriz Miranda (ACPP). Feira 18. De 16h a 18h.
  • O corpo criativo, recursos de expressom e criaçom cénica. Zé Paredes. 4ª Feira 19.  21h30 a 23h30.

COM SENTIDINHO

  • Razons de peso. Desmontando a Gordofobia. Andrea Nunes. 2ªFeira 17. De 19h a 20h30
  • Autodefessa para mulheres Mai e Cristy. 3ª Feira 18. De 11h a 13h.
  • Conhecendo os composteiros comunitários de Compostela. Maria R Lafuente. 4ª Feira 19. De 11h a 12h30
  • Prostituiçom e/ou Trata de seres humanos com fins de exploraçom sexual: indícios para podermos identificar umha possível vítima de Trata. Lourdes Pazo. 5ª Feira 20. De 16h30 a 18h30.
  • Laboratório de Empoderamento Erótico. Mai Insua e Mari Fidalgo. 6ª Feira 21. De 17h30 a 20h.

 COM FERRAMENTAS

  • Fotografía com telemóvel. Borxa Toxa. 2ªFeira 17. De 19h a 20h.
  • Uso doméstico da broca. Paulo Painceiras. 3ª Feira 18. De 20h30 a 21h30.
  • Aula práctica de gravaçons. Olaia Tubío e Raquel Cecilia. 4ª Feira 19. De 16h30 a 18h30.

COM A HISTORIA

  • Investigaçom histórica a domicílio. Pescudando na Galiciana. Marcos Saavedra. 3ª Feira 18. De 19h a 21h.
  • Na busca da anta perdida. Dionisio Cancela. 4ª Feira 19. De 18h30 a 21h.
  • Combatendo na arte: história de mulheres. Sabela Fraga. 5ª Feira 20. De 19h a 20h30.
  • O galeguismo em Compostela no primeiro terço do s.XX. Espaços, pessoas e factosUxio-Breogán Diéguez. 5ª Feira 20. De 19h a 21h (aprox). 

COM OS OLHOS

  • Descobrindo o céu estrelado. Irene Baspino. 5ª Feira 20. De 22h a 00h.

 

CALENDÁRIO

SEGUNDA FEIRA 17 DE JULHO

  • Cozinha silvestre. Silvia Méndez. De 12h a 13h30.

Obradoiro de cozinha silvestre e apresentaçom do livro “113 prantas silvestres dos campos nortenhos”.

  • Laboratório de movimento. Elsa Pereira. De 18h a 19h.

Exploraremos a nossa natureza criativa a travês do corpo em relaçom com as demais e com o espaço. Trata-se dum laboratório entendido como lugar de experimentaçom onde o coidado, o jogo e a escoita nos levaram a atopar a criatividade dos nossos corpos e, por que nom? das nossas vozes.

  • Fotografía com telemóvel. Borxa Toxa. De 19h a 20h.

Iniciaçom a captura com telemóvel, captura, composiçom e ediçom em Android e IOS.

  • Razons de peso. Desmontando a Gordofobia. Andrea Nunes. De 19h a 20h30.

Obradoiro onde partilharemos experiências, sentires e ferramentas, usando o potencial colectivo para transformar as nossas realidades, achegando-nos ao activismo e ao empoderamento gordo.

  • O milhor prebe: a fome! Luzia Álvares. De 19h a 20h30.

Passeio teorico-prático pelos molhos básicos da gastronomia europeia desde o Atlántico ao Mediterrâneo.

  • Entra no baile a bailar(e). Iniciaçom às foliadas. Chus Caramés. De 20h a 21h.

Aprende a decifrar e mover-te ao compasso dessa gente que baila quando soam as gaitas e as pandeiretas.

 

TERÇA FEIRA 18 DE JULHO

  • Autodefesa Feminista. Cristy Tojo e Mai Insua. Lésbicas Creando. De 11h a 13h. (Só para mulheres).

Fazemos Autodefesa Feminista de jeito integral (física, psicológica, emocional) como umha ferramenta que amplía posibilidades fronte às violencias machistas e possibilidades de vida. Consideramo-la um elemento fundamental de resposta, proteçom e autocoidado.
Sodes bem-vindas!

  • Introduçom ao Teatro Foro como ferramenta transformadora. Paula Lubián e Beatriz Miranda (ACPP) De 16h a 18h.

Achegaremo-nos a esta metodologia participativa a través de jogos e técnicas teatrais que tenhem por objetivo redimensionar o teatro, fazendo dele um instrumento eficaz na comprensom e na busca de alternativas para problemas sociais e interpessoais, estimulando a reflexom com o objetivo de transformar a realidade. Ao tratar-se dumha ferramenta motivadora este obradoiro pretende ser de utilidade para as profesionais da educaçom (formal ou informal) e pessoas que participam activamente de coletivos sociais, culturais e/ou vizinhais, sindicatos, assi como para aquelas pessoas interessadas em conhecer técnicas teatrais abertas e participativas.

  • Iniciaçom ao samba no pé. Márlio Barcelos. De 18h a 19h30.

Da mistura de ritmos africanos, o samba nasceu no Brasil e pode ser bailado de variados modos, dependendo da regiom e da situaçom. Aprenderemos no curso os passos básicos do “samba no pé”, nome do estilo livre e improvisado de bailar o samba.

  • Investigaçom histórica a domicílio. Pescudando na Galiciana. Marcos Saavedra. De 19h a 21h.

Neste curso aprenderemos a trabalhar com os recursos arquivísticos online tomando como referência a Galiciana (Biblioteca digital de Galiza). Umhas ferramentas que ponhem a nossa disposiçom documentaçom original muito útil para o conhecimento da nossa história.

  • Veganismo doce. Alba Souto. De 19h30 a 21h30.

Obradoiro de sobremesas caseiras no que aprenderás a fazer masas doces, biscoitos, bolachas e sobremesas frias com ingredientes singelos e 100% vegetais.

  • Uso doméstico da broca. Paulo Painceiras. De 20h30 a 21h30.

Ferramentas necessárias para fazer perforaçons em paredes, metal, madeira… Falaremos das distintas classes de brocas e da maneira de empregar cada umha delas. Fundamentalmente será um curso prático onde tentaremos algum truque para furar azulejo, para nom lixar todo ou para nom mancar-se.

 

QUARTA FEIRA 19

  • Conhecendo os composteiros comunitários de Compostela. Maria R Lafuente. De 11h a 12h30.

Aprenderemos como funciona o projeto e como fazer um bom compost assi como os usos da compostagem.

*Punto de encontro: composteiro do parque de Galeras.

  • Aula prática de gravaçons. Olaia Tubio e Raquel Cecilia. De 16h30 a 18h30.

Como: entrevistar, colocar a cámara, gravar o son, editar singelo… Todas estas dicas do “que fazer” e do “que nom fazer” quando queremos gravar vídeos.

  • Na busca da anta perdida. Dionisio Cancela. De 18h30 a 21h.

Visita a uma anta e a uma mámoa (as de Zarramacedo). Explicaçom dos principais elementos a reconhecer.

*Punto de encontro: no Pichel (coordinaremos carros para irmos na busca da anta).

  • Chascarraschás. Carme Iglesias. De 18h30 a 19h30.

Neste curso achegaremo-nos ao instrumento da marola: as cunchas. Iniciaremo-nos nos toques mais básicos, veremos distintos jeitos de tocar, e até algumha cantarea botaremos. Animade-vos!

  • Cozinha com língua: catalam. Susana Amado. De 19h30 a 20h30.

Achegaremo-nos à reposteria e lingua catalá elaborando o “pa de pessic”.

  • Dizes que toco pesado. Anda tu, baila ligeiro (I). Iniciaçom à pandeira. Noemi Basanta. De 19h30 a 20h30.

Curso de iniciaciaçom ao repertório da montanha lucense assi como ao seu instrumento por excelência: a pandeira. Um achegamento que tem por finalidade sentar as bases do instrumento mas que também pode servir para repensar as próprias. Faremos especial fincapé na sua correta colocaçom e execuçom. Além disso, destacaremos as pontes culturais que estabelecem os repertórios vocais desta zona geográfica com outras culturas do noroeste peninsular.

  • Dizes que toco pesado. Anda tu, baila ligeiro (II). Iniciaçom ao jeito de bailar da montanha lucense. Roberto Rodríguez. De 20h30 a 21h30.

Curso de iniciaçom ao jeito de bailar próprio da montanha lucense, centrando-se especificamente no concelho de Cervantes. Achegaremo-nos aos movimentos que definem a “molinheira” assi como às principais estruturas que presenta.

  • Cozinha com língua italiana. Chiara Pedizzi. De 21h30 a 22h30.

Os gnocchi (olho que é plural! O singula é gnocco), é umha das receitas mais típicas da Itália. Un prato antigo que em origem se preparava com água e farinha de vários cereais ou com o miolo do pam e leite. Com a chegada da pataca volverom-se famosos os que se fam com ela. Em Roma comem-se nas quintas-ferias, na Campania nos domingos, em Verona nas sextas-feiras e som tam famosos que há um disfrace de Entrudo que os celebra “O Papà del Gnoco”(com apenas um “c” pois é umha variante do veronês). Mas bom, eu som de Brescia e vou-nos fazer como a minha mai, e como gostamos da opulencia vamos tomá-los também com 3 molhos diferentes!

  • O corpo criativo, recursos de expressom e criaçom cénica. Zé Paredes. De 21h30 a 23h30.

Obradoiro de criaçom cénica em que abordaremos estratégias de estímulo criativo: A improvisaçom. O jogo dramático. O corpo no espaço.

 

QUINTA FEIRA 20

  • ·Toques de pandeiro com baqueta. Ricardo Casás. De 12h a 14h.

Traballaremos toques tradicionais de Peñaparda (Ajechao, Sorteao, Corrido-brincao), modernos (rumba, afro,swing,…) e ritmos galegos (muinheiras, jotas, passo-dobres)

  • Prostituiçom e/ou Trata de seres humanos com fins de exploraçom sexual: indícios para podermos identificar umha possível vítima de Trata. Lourdes Pazo. De 16h30 a 18h30.

Que é a Trata e quais som os seus indicadores som os temas em que nos centraremos neste curso em que, a partir da visualizaçom de vídeos com entrevistas, poderemos distinguir os seus indícios.

  • Combatendo na arte: história de mulheres. Sabela Fraga. De 19h a 20h30.

Analisaremos en que medida o relato oficial se foi consolidando durante séculos através da exclusão das mulheres. Mas o ponto central será conhecer as estratégias artísticas subversivas que elas usaram para rachar com as múltiplas barreiras impostas pelo patriarcado.

  • O galeguismo em Compostela no primeiro terço do s.XX. Espaços, pessoas e factosUxio-Breogán Diéguez. De 19h a 21h (aprox). 

Entre  1916 e 1936 desenvolveu-se na Galiza um processo de construçom nacional único na nossa história. Neste roteiro percorreremos lugares senlheiros, conhecendo pessoas e factos para nos achegarmos àquele tempo.

*Punto de encontro: no Pichel 

  • Nom bailes o agarrado que é cousa de muito pecado. Lorena Toimil e Hilda Cuba. De 20h a 21h30.

Obradoiro de iniciaçom a bailes agarrados da Galiza e Europa: centraremo-nos na mazurca galega e europea, no scottish e no valse,mas passaremos também polo passo-dobre e pola rumba e polka… o básico para se defender e goçar em umha foliada, e faremo-lo com música ao vivo!

  • Descobrindo o céu estrelado. Irene Baspino. De 22h a 00h.

Introduçom à astronomia através dumha saida de observaçom em que aprenderemos a mover-nos polo céu e a reconhecer as estrelas e constelaçons mais destacadas, sem necessidade de mais aparelhos que os nossos olhos.

*Punto de encontro: no Pichel (partilharemos carros para deslocaar-nos)

Necessário levar lanternas.

 

SEXTA FEIRA 21

  • Laboratório de Empoderamento Erótico. Mai Insua e Mari Fidalgo. De 17h30 a 20h. (Só para mulheres).

ECombatendoxplorar e criar a nossa erótica, experimentar com o nosso prazer! Um tempo para partilharmos e enraizarmo-nos no prazer desde a palavra e o trabalho corporal. Aberto a mulheres de qualquer orientaçom e vivencia sexual.

 

5 Responses to Universidade Popular 2017! Do 17 ao 21 de Julho.

  1. CARMEN BERNARDEZ LORENZO
    9 de Julho de 2017 at 8:46

    Estou interesada no cursinho; Cozinha com Lingua Catalana. Impartira Susana Amoedo.

    Cursinho; Chascarraschas. Impartira Carme Iglesias.

  2. Ana Fernández Martínez
    12 de Julho de 2017 at 15:41

    Estoy interesada en estos dos cursos:

    * Iniciaçom às foliadas.De 20h a 21h.

    * Chascarraschás. De 18h30 a 19h30

  3. GLORIA
    13 de Julho de 2017 at 11:29

    Mandei un correo cos cursos que queria ir , e me gustaría saber si teño praza para eles e como abonar os cartos . Grazas

  4. Teresa Meixide
    15 de Julho de 2017 at 19:20

    Olá!
    Interésame o Taller aula prática de gravaçães

  5. Marta
    17 de Julho de 2017 at 10:49

    Estoy interesada en los cursos:

    Veganismo doce de Alba Souto.
    Laboratório de Empoderamento Erótico. Mai Insua e Mari Fidalgo