Comunicado sobre o tratamento sexista de ELG dum evento da Gentalha

17 de Janeiro de 2018

Da  Gentalha queremos fazer constar a nossa repulsa ao tratamento machista que o jornal El Correo Gallego fijo na nova sobre o concerto de apresentaçom no nosso CS do disco de Malraio. Expressons como “para no perder ni por un polvo con Kate Moss” “quienes coño vienen siendo?” ou a enumeraçom dos integrantes da banda como “miembros viriles” som mais umha mostra dumha linguagem sexista, com toda a carga machista que supom e que da Gentalha rejeitamos.
Somos um colectivo que temos empenho em luitar precisamente contra as formas de expressom discriminatórias (neste caso com as mulheres) e nom queremos que se nos associe com esta publicidade do evento da sexta feira 19 no nosso local social.

Por tanto queremos transmitir a nossa disconformidade e deixar esclarecido que rejeitamos frontalmente este modo de publicitaçom do nosso evento.

anuncio machista dum concerto