Na madrugada da terça para a quarta o C.S. O Pichel foi assaltado e roubarom umha soma importante de dinheiro, nom apenas da Gentalha mas também de outros projetos sociais e colectivos relacionados com o CS em diferente medida ( a equipa de futebol gaélico da Suévia, os centros sociais de Compostela, grupo de teatro do Pichel…) material a venda, doaçons, recadaçom de atividades desenvolvidas com esforço, tempo e trabalho voluntário e sem ânimo de lucro . Nom foi um roubo a umha propriedade privada mas a projetos que trabalham altruistamente polo colectivo e a cultura de base e supujo deixar a umha situaçom ainda mais precária a todos eles. Apôs comunicar o acontecido colocamos um número de conta para aquelas persoas que mostrarom interesse o disponibilidade económica: ES10 0081 0499 600001411744 . Nestes dias recebemos tantas amostras de solidariedade e apoio tanto humano como económico que queremos agradecer públicamente todos eles: os oferecimentos de bandas de música para fazer concertos solidários, pessoas individuais para dar obradoiros e cursos de diferente tipo, apoios individuais, de colectivos, sindicatos e um logo etc que estam a significar muito para o conjunto do tecido associativo da Gentalha e dos coletivos afectados. Mais aló de ser um apoio pontual é um modo de valorizar a importancia do trabalho coletivo, um pulo para recuperar o ânimo e sobre todo para continuar a acreditar em que o associacionismo de base é imprescindível e que somos muitas mans e braços arredor de projetos comuns. Nas próximas semanas pensaremos no modo de gerir colectivamente as iniciativas e propostas que nos achegastes. Mais umha vez obrigadíssimas.