O teatro do Pichel apresenta O tempo

2 de Julho de 2018

Esta sexta-feira 6 de julho às 21h00 a companhia Teatro do Pichel estreia a sua nova montagem intitulada O tempo. A peça poderá ver-se no Centro Social da Gentalha do Pichel o sábado 7 e o domingo 8 às 21h00. Reserva de entradas no C. S. O Pichel ou no 636838273. 2 euros sócias, 3 euros nom associadas. Trata-se dumha produçom com texto e direcçom do dramaturgo Zé Paredes que este grupo amador compostelám, ligado ao Centro Social A Gentalha do Pichel.

Nesta, que será já a sexta produçom da companhia, abordarám-se temas como a memória, as relaçons familiares, o passar do tempo e a metáfora da casa e o seu abandono como fundo. Com inspiraçom nas peças do dramaturgo russo Anton Tchekhov, em ‘O tempo’ o Teatro do Pichel propom-nos umha visita por lugares comúns do nosso passado onde qualquer expressom quotidiana readquirirá um significado singular.

cartaz novoO grupo de teatro amador do CS O Pichel foi criado no curso 2012-13, e desde esse curso já encenou peças como Precárias (2013) Idas e Vidas (2014), Ubú no lixo (2015),Agorafobia (2016) eParábola do éxito (2017) resultado de vários meses de aulas formativas.

A Gentalha do Pichel é umha associaçom cultural que desde hai quinze anos vem dinamizando o tecido social e cultural da cidade compostelana oferecendo e reivindicando um lacer alternativo e em galego. Com esta peça fai umha achega a um dos seus objectivos:a difusom, conhecimento e criaçom de novas produçons culturais da Galiza.

Para mais informaçom podedes visitar o nosso blogue gentalha.org ou visitar o facebook do colectivo ou passar polo centro social, segundas, terças e quintas de 18h00 a 23h00, quartas de 18h00 à 21h30, sextas de 19h00 à 01h00 e sábados de 19h00 a 00h00.