42500407_2189747674628955_113709658593558528_n Por fim umha série que engancha desde o princípio. 15 temporadas! nem mais nem menos. Intriga, história, paixom, isoglossas e limpeza de rios. “Sai da rede” nom é mais um título, é umha pregária incontornável, umha ordem do professor dom Ricardo, umha jornada de limpeza do terraço. Quando todo parece estável, quando a tua vida está tranquila… é entom quando umha das peças da esfera que te circunda se desencaixa com um pequeno som chirriante. Violentamente desmorona-se à sombra, sais da caverna e começas a escrever com NH. Um guiom trepidante que transita do ativismo de “likes” e “change.org” às comissons presenciais e assembleias corpóreas. Nesta trama conhecerás personagens mais que reais, até podes tocar os corpos das protagonistas, abraçar os secundários e chorar com os seus fracassos. Serás capaz de sentir o suor do ativismo do reparto, acompanhar as heroínas colando cartazes pola zona velha e beijar-te com eles nas vitórias e nas palestras com público abundante. Era já hora de umha série assim, em 3D e HD, que te devolva à realidade a óstias. Activa-te na ante-estreia durante a semana do 1 ao 5 de outubro desde qualquer umha das suas plataformas. 42754283_2191016017835454_6906420824874418176_n Estreamos série durante esta semana. Fai a tua escolha e actíva-te. 42878910_2192272534376469_2275699438376714240_n