Elyntra

Elyntra começa a sua andaina em Outubro de 2016, quando Víctor Rey (guitarra, ex-Tungsteno), Miguel Ares (baixo, ex-membro de Meiga do Norte) e Cecilia Marchetto (voz e letras, ex-Cairo Killers) se reunem para começar umha banda de heavy rock, umha mestura de hard rock e heavy metal, com ecos oitenteiros, para dar saida às suas ansias expressivas e criativas. Durante o ano seguinte, o grupo enfoca-se em preparar algumhas versons de clássicos de Iron Maiden, Black Sabbath ou WASP, e em compor temas próprios, tentando atopar o seu estilo característico. Nom seria até case um ano depois, trás muitas aventuras, que se une Manu Blanco (bateria), ex-componhente de Indana. O resultado som oito temas que vam desde um som hard rock melódico com ligeiros toques experimentais ou psicodélicos, ate a épica pesada dos Sabbath, metade deles en galego, metade en inglés. A filosofia e a estética da banda giram arredor do surrealista, o mágico e o fantástico (nom isentos de humor) para tratar temas como o empoderamento pessoal e a superaçom, a viagem interior, a inspiraçom artistica e o sonho chamánico, a miudo mediante metáforas infernáis no senso Blakeano. Na actualidade, Elyntra estam-se preparando para sair aos cenários e seguir compondo para acadar a consecuçom da sua particular magnum opus, logrando assim o sonho alquímico de transformar o “metal pesado” (ou heavy metal) em ouro.

  Podes ouvir os seus temas aqui: https://eclosom.bandcamp.com/album/ii-eclosom E podes votar-lhes aqui: https://docs.google.com/forms/d/e/1FAIpQLSdOMompCjKMYg78VxYjsO7BBWNQU7dGYd87T-5yq5-mHFvZkw/viewform?usp=sf_link Outras ligaçons de interese: Facebook, twitter.