Kanitroters

kanitroters

Logo de vários anos sem tocar, e depois dum tempo tomando classes doutro instrumento,a bateria, nom o seu habitual, a guitarra, Carlos Canitrot, antigo membro dumha mítica banda compostelá dos noventa, decidiu voltar tocar, e meteu-se de cheio no labor de atopar gente com quem tocar e poder fazer algo distinto ao que fixera até agora, e nom morrer no intento.
Depois dum tempo provando com gente atopou-se, case sem querer, con Alba e Rodrigo Barral, dous irmans várias geraçons mais jóvens, sem experiência prévia nalgúm grupo mas com muitas ganas de aprender e fazer cousas, e forom os primeiros integrantes junto com Carlos do grupo, Alba como cantante e Rodrigo como harmonicista e saxofonista .
Logo dum tempo o grupo sufriu as baixas de guitarrista e baixista em pouco espaço de tempo, e foi daquela quando se incorporou Marcos Vazquez, guitarrista de dormitório que tampouco nunca tocara numha banda, com o seu peculiar estilo, que lhe dá um toque especial a banda. Posteriormente incorporou-se Irene Pin ao baixo, com experiência anterior neste assunto, logo de regresar de estudar no estrangeiro umha tempada.
Neste momento foi quando começou o grupo a funcionar, já com umha formaçom completa, começando por fazer versons de blues, rock…. e pouco a pouco componhendo temas próprios, que é o objetivo da banda no futuro.
Passado um tempo começaron a falar de incorporar um teclista, e buscarom um novo membro, que atoparom bastante rápido, e foi quando se incorporou Brais Bugallo, completando a formaçom da banda, composta por seis membros, de mui diferentes idades (desde os vintedous anos até os quarenta e sete), e con vidas mui distintas (estudantes, currantes,…) e gostos musicais, que se nom chega a ser por isto da música, nunca se conheceriam.
O do nome do grupo creo que no fai falta explicalo, non?
Kanitroters son:
Alba Barral ———- voz
Irene Pin ————- baixo
Rodrigo Barral —— armónica e saxo
Brais Bugallo ——– teclado
Marcos Vázquez —- guitarra
Carlos Canitrot —— bateria

Podes ouvir os seus temas aqui: https://eclosom.bandcamp.com/album/iii-eclosom


E podes votar-lhes aqui: https://docs.google.com/forms/d/e/1FAIpQLScGm4oATfQC1LWRfD0v2FGMaatzEZgr6ezjEyyRyzysI2prXQ/viewform

 

Outras ligaçons de interese: Facebook, twitter.