Novos monográficos de Primavera

5 de Abril de 2017

À volta das férias de primavera começamos com:

aprender

  • “People’s Power: a short history of grassroots movements, uprisings and protests” Nova turma.

Terças feiras de 19h a20h Início 25 de Abril  (8 sessions)

Coordenado por Afonso Barata

Preço: 35€ (40€ nom sócias)

Curso que explora alguns dos movimentos populares e protestos no mundo de fala inglesa​, desde as Sufragistas até os protestos antiglobalizaçom em Seattle.

 

  • O amor nom é como no-lo contarom. Deconstruindo as bases do amor romántico e adquirindo ferramentas para melhorar a nossa autoestima.

Faremo-lo no:28 de abril, 3, 12, 19 e 26 de maio. De 17h a 19h.

Preço: 43€ (45€ nom sócias)

Mínimo 8-máximo 15. Só para mulheres.

Através deste obradoiro tomaremos consciência de como os roles de gênero estam a influenciar nas nossas relaçons de parelha.
Analisaremos como é que acontecem algumhas das situaçons que dam lugar à desigualdade (autopostergaçons, altruísmos, servilismos, cessons, renuncias…) e buscaremos ferramentas que nos ajudem a situar o centro da nossa vida e do nosso amor em nós próprias.
Este é um curso pensado para todas aquelas mulheres que queiram dar um passo à frente nas suas vidas e construir vínculos afetivos mais livres, igualitários e cuidados. O obradoiro terá lugar num ambiente de segurança e bom trato.

Haverá opçom a duas bolsas de estudo, a partir de se cubrirem o mínimo de vagas.

María Rosendo é ativista feminista, educadora social e posui um mestrado de gênero. O seu trabalho neste campo está centrado na promoçom da saúde e a autoestima das mulheres através do trabalho grupal. Também trabalha autoestima, gênero e vinculos amorosos com grupos de adolescentes. Decidiu aprofundar na construçom do Amor Romántico e na ética dos cuidados na procura de relaçons afetivas mais igualitárias e livres. Continua a aprender no dia a dia.

 

  • Baile Tradicional Galego com Luís Prego.

Preço: 17€ (18€ nom sócias ou persoas que nom venham a baile no Pichel)

-          Nivel Avançado. Baile da zona de Paços de Borbém. Sábado 6 de Maio de 10h30 a 13h30

-          Nivel Intermédio. Achegamento geral a muinheiras e xotas de diferentes zonas. Sábado 20 de Maio de 10h30 a 13h30

Luís Prego leva muito tempo a ensinar baile tradicional por diferentes puntos do país mas leva aínda máis tempo a aprende-lo das velhas e velhos ás que visitou para que lhe ensinaran puntos e xeitos do nosso baile. Com toda esta sabedoria, Luís escreveu “Para cantar e bailar” e “Xogos Musicais”, dirixiu grupos de baile como o compostelano “Bricadeira”, toca no grupo folque Ardentía ou gestiona o facebook “Música e baile de Galiza”.

INSCRIÇONS OBRIGATÓRIAS EM:   gentalha@gentalha.org

Nom demoredes que as praças som limitadas!

Ativismo antifranquista, feminismo, nacionalismo e memória com Encarna Otero no Café 1932

5 de Abril de 2017

2017-04-05
Neste novo programa de ‘Café 1932′ Helena Carro e Dionisio Cancela, da comissom de História, conversam com Encarna Otero, mestra, historiadora e política, sobre o ativismo durante a fim da ditadura em Compostela e Tolosa, o nacionalismo, o feminismo e a sua labor atual no Conselho da Cultura Galega e o Museo do Povo Galego.

Estalotada no Pichel

3 de Abril de 2017

estsalotar

II Tresfoliando

27 de Março de 2017

tresdO II Tresfoliando toca na casa!! 31 de Março a partir das 21h30, foliada feita POLO e PARA o ALUMNADO de Escola Viva antes, Pena Maior de Marroços, Itaca e Gentalha do Pichel.

Atzembla e Sondarúa em Concerto

20 de Março de 2017

atzem lConcerto de Atzembla (Pais Valenciá) mais Sondarua (Galiza) este 24 de Março no Pichel. Podes comprar a tua entrada antecipada a partir do 15 de Março no Pichel a 5€ (4€ para sócias) ou no próprio dia na bilheteira a 7€ (6€ para sócias)

https://www.youtube.com/watch?v=C0PJDhOEBxE

https://www.youtube.com/watch?v=8SQobdFZ2PY

Festa do Sam Martinho’s Day

13 de Março de 2017

sam

E chegou o Sam Martinho de Dume! A festa Suevo-Irlandesa que coincide com o Sam Patrício e que celebra a irmandade entre estas duas naçons atlânticas. Música, futebol gaélico, cervejas artesás galegas, Guinness, peiteados suevos, suevian shots…

André Seoane, da comissom de História, escreve em Praza Pública ‘Rústicos incorrigíveis’.

Programa (festa organizada em colaboraçom com a equipa Suévia FG):
Sábado 18 de março
- 16h00 – 19h00 XI Jornada da Liga Gallaecia de futebol gaélico misto (Campo da Prainha, Ponte Vea)
– 16h00 – 17h30 Suevia FG vs Combinado Liga Gallaecia
– 17h30 – 19h00 Condado Gaélico vs Torques de Lugoslavia
- 20h00 Terceiro tempo
- 22h00 Concerto Liska! + Xenderal (3€ sócias/4€ nom sócias)

E lembrade que, de nom estar em Compostela, podedes somar-vos em muitos lugares da Galiza.
A festa também se celebra em:
Ler mais »

O Teatro do Pichel apresenta Agorafobia de Clara Gayo

5 de Março de 2017

gentalha 17 agorafobia

Na sua quarta montagem o Teatro do Pichel, aborda um texto da dramaturga contemporanea Clara Gayo, “Agorafobia – Parálise sobre o medo” baixo a direcçom do dramaturgo Zé Paredes. Umha inmolaçom dos pânicos de nove pessoas autoexiladas num piso de espaços pouco definidos. Umha exposiçom do medo como fronteira onde nada se move, nem mesmo o péndulo do relógio. Malia todo as exiladas seguem caminhando por riba de vidros, brasas, ou ruínas. Um caminho impossível cara dentro, na espera de encontrar muros protectores e acomodar-se na parálise.

Eclosom. Bandas participantes e votaçom popular

2 de Março de 2017

Temos o prazer de apresentar-vos os oito grupos que participam do Eclosom, o primeiro certame das músicas emergentes do Pichel. A partir de já fica aberto o período de votaçom, que se estenderá até o 31 de Março às 23.59.

Poderedes votar um máximo de dous grupos, e será preciso possuir umha conta de gmail para poder acceder ao formulário.

Os dous grupos que obtenham mais votos passaram à gala final, junto com um terceiro seleccionado polo júri do Pichel, diferente ao da final.

A gala final terá lugar o 29 de Abril, no nosso centro social, e o grupo ganhador levará um premio de 300€ mais a atuaçom na festa do dezassete que este ano se fai o 13.

Os grupos:

  • Mulheres Na Batida (ver)
  • Esposa (ver)
  • Nuada (ver)
  • A banda da Loba (ver)
  • Soul Maxin (ver)
  • Os meninos (ver)
  • Kara Bogaz (ver)
  • Matarrei (ver)

Neste bandcamp podedes escuitar os dous temas que apresentou cada grupo

E por fim, o formulário de votaçom:

https://docs.google.com/forms/d/e/1FAIpQLSfyfAcI_8PHNLMuMkdIDK8pM_FMW4DcwUYyCPBOhfogVSPbVw/viewform

Comunicado sobre a decisom municipal de eliminar a simbologia fascista em Compostela

24 de Fevereiro de 2017

O passado dia 16 de fevereiro a Cámara municipal de Compostela aprovou por unanimidade umha moçom apresentada polo BNG para a eliminaçom de simbologia franquista de dez edifícios públicos que se atopam dentro dos limites municipais, valendo-se do inventário de escudos, cruzes, inscriçóns e símbolos fascistas elaborado pola comissom de História da Gentalha do Pichel [PDF, 2'4 Mb]. Celebramos que dito inventário seja umha ferramenta útil para a cidade e agradecemos ao BNG incluí-lo na sua moçom. Nom era sem tempo, durante décadas diferentes organizaçóns sociais levamos denunciando esta situaçom, atopando-nos sempre com a indiferença dos sucessivos governos municipais.

É de louvar e parabenizar esta iniciativa política, mas aguardamos que nom fique em papel molhado. Animamos o governo municipal a que tome as medidas necessárias para erradicar toda a simbologia fascista, nom só daqueles que constituem parte do património municipal, também deve instar o resto das administraçóns, empresas ou entidades que persistem, com argumentos demagógicos, em manter estes elementos franquistas.

A corporaçom municipal nom pode eximir-se da sua responsabilidade e deve procurar que a USC, a Igreja, Correios, ADIF ou instalaçóns privadas de qualquer tipo destruam a simbologia golpista. Lembremos que proximamente vam começar as obras da nova estaçom intermodal, por tanto, as cidadás de Compostela nom entenderemos que nom se aproveite esta circunstância para destruir o escudo baixo a escada que dá aceso a estaçom. Será umha boa oportunidade de que a administraçom municipal demonstre se a decisom adotada tem consequências reais.

Compostela, Fevereiro de 2017

The Twist Connection

17 de Fevereiro de 2017

twistDesde Coimbra chega umha nova banda formada por velhos conhecidos da cena garageira portuguesa: Samuel Silva (The Jack Shits, Los Saguaros, Sonic Reverends), na guitarra, Sérgio Cardoso (É Mas Foice, WrayGunn), no baixo, e Carlos Mendes ‘Kaló’ (Tédio Boys, WrayGunn, Bunnyranch e Parkinsons), na bateria.
Venhem apresentando o seu primeiro trabalho “Stranded Downtown” onde florescem relatos e tam boas referências e confluem estilos, todos eles marcantes no trajeto dos músicos, com forte ligaçom ao blues e ao garage e um abraço sentido a heróis intemporais ou rock stars seminais, podendo-se recuar e avançar a décadas marcadas pelo rock´n´roll .

Para completar a festa teremos ao DJ Nervo Faraó que nos fará dançar com hits de rock’n'roll de todas as épocas.

Escuita-os aqui:
https://thetwistconnection.bandcamp.com/album/stranded-downtown