Posts Tagged ‘ Irmandades da Fala ’

Crónica do Ato de Rua As Irmandades em Lilás

6 de Junho de 2016

_GOM0110
A Comissom de história da Gentalha do Pichel, o passado dia 27 de maio, convocou um ato de rua para homenagear as Irmanhinhas da Fala. O lugar de encontro foi na rua do Vilar, 15, baixo os suportais do prédio onde viveu e trabalhou a família Miramontes-Casal. Numha das arcadas dessa mesma casa, há umhas placas comemorativas para lembrar Angel Casal e a editorial Nós, mas non aparece o nome de Maria, qual é o motivo dessa grave omissom?

Nom é a primeira vez que nos atopamos com exemplos desse tipo, a invisibilidade das mulheres da Fala é constante em todo tipo de publicaçons, congressos, homenagens e mais… Mas este tratamento machista tem que mudar. Por isso, da Gentalha do Pichel, evidenciamos este facto, celebrando um ato de rua reivindicativo, participativo e lúdico, que consideramos justo e necessário.

Na hora prevista começou o acto. Ás sete do serám, Comba Campoy, jornalista e atriz, apresenta as nossas convidadas, Encarna Otero e Susana Aríns. Logo, agradece a presença da representante institucional polo Concelho de Compostela, a concelheira de Igualdade, Marta Lois; seguidamente, deu leitura do texto elaborado pola Comissom de História.

Tomou a palavra a historiadora Encarna Otero e passou a ler, brevemente, um relatório sobre as medidas que promoverom as Irmandades da Fala em matéria de igualdade e achegou numerosos dados à volta das mulheres que militárom nelas. Ofereceu-nos umha intervençom com força e rigor intelectual, sempre dumha perspectiva feminista e nacionalista.

Na mesma linha reivindicativa e feminista mas com um estilo retranqueiro a poeta Susana Sánchez Aríns partilhou com todas nós poemas inéditos, inspirados nas mulheres da Fala a partir de pesquisas que fijo no arquivo municipal. Rematou com um monologo teatral, sendo a protagonista Maria Miramontes, umha Maria provocativa e reivindicativa, com voz de seu.

A melhor maneira de terminar um acto é com música, e assim foi, Comba apresentou “As Irmandadas do Pichel”, um grupo musical de moças activistas do nosso centro social que animou a gente a bailar.

Por último, gostaríamos de agradecer a cordialidade e acolhida recebidas. Muita gente respondeu satisfatoriamente ao nosso convite, apesar da constante ameaça de chuva que ficou só na ameaça e ao final ficou umha tarde seca e agradável.

Obrigadas.

Os textos de Susana Sánchez Aríns.

Ler mais »

Assim celebramos o Centenario das Irmandades da Fala

30 de Maio de 2016

13315420_1720947874842273_7231801302230519455_n

Um centenário é uma data assinalada no calendário, mas o trabalho das Irmandades da Fala sempre está presente nas actividades da Gentalha do Pichel, como no cartaz e celebraçom da Festa do Dezassete deste ano.

Aqui ficam as fotos dos dous atos:
Ler mais »

Homenagem ás Irmandinhas e mesa redonda no Centenário das Irmandades da Fala

25 de Maio de 2016

cartaz LilasIrmandades

O 18 de maio de 1916 fundava-se na Corunha a primeira Irmandade da Fala, e o 28 do mesmo ano tinha lugar o acto fundacional da de Santiago de Compostela. 100 anos depois moito do seu ideário segue estar de actualidade e presente na actividade da Gentalha.

A comissom de História preparou dous eventos para lembrar estas datas:

As Irmandades em lilás. Homenagem ás mulheres das Irmandades da Fala
Sexta feira, 27 de maio, 19h00. Rua do Vilar, 5.

A comissom de história da Gentalha do Pichel invita a participar neste ato de rua que rende tributo ás Irmandinhas, as mulheres da fala, que forom e som injustamente invisibilizadas pola historiografia oficial. Assim reivindicamos a Maria Miramontes, Amparo Lópes Jean, Micaela Chao Mancinheiras, Elvira Bao, Pura Lorença, Coroa Gonçales e muitas mais mulheres que se constituirom, dentro das Irmandades, baixo a Secçons Femininas. As mulheres das Irmandades da Fala forom precursoras da igualdade política e civil da mulher.

O ato estará apresentado por Comba Campoy, interviram Encarna Otero e Susana Sánchez Arins e rematará com umha actuaçom musical.

Evento no Facebook.

1463573536Folleto1

Mesa redonda ‘Galiza. Um projecto de país para agora e o futuro’
Sábado, 28 de maio, 12h00. Faculdade de Filosofia (praça de Maçarelos)

Dentro do programa da celebraçom do aniversário das Irmandades da Fala do Concelho de Santiago a comissom de História da Gentalha do Pichel organiza uma mesa redonda baixo o nome de ‘Galiza. Um projecto de país para agora e o futuro’ para responder a mesma pergunta que fixera Porteiro Garea em 1917 no seu discurso da fundaçom da Irmandade da Fala de Santiago de Compostela: “e nós, que?” Intentando situarmo-nos num estado de ánimo semelhante e, partindo das actuais condiçons históricas, voltamos perguntar que é o que podemos, queremos e/ou temos que fazer para que o povo galego avance no seu benestar e na capacidade de gerir o seu próprio destino.

Falaram: Adrián Dios, Teresa Moure, Joám Lopes Facal e Antón Gómez-Reino. Modera: André Seoane

Evento no Facebook.