Posts Tagged ‘ punk ’

esta sexta feira 3 de outubro concerto de OS NOVOS e BARBITÚRICOS

29 de Setembro de 2014

Os Novos apresentam “Nom Lugar”, um 10” com sete músicas sem respostas gravadas e misturadas por Hevi no Laboratório Soyuz e masterizadas por Mike Mariconda em Sonic Boom Room. Sete histórias de enganos e frustraçóns, de nom lugares, terras livres e fugidas para adiante, de mudanças baseadas no velho slogan de “Fai-no ti mesmo”.

Os Novos já nom som tam novos mas parecem saídos das ruínas dumha colisom entre três entes discordantes formando umha estrela escura, umha granítica roda de rock’n'roll com arestas punk. Som três homens de regresso ao inferno no que medrarom, três vozes que pelejam entre elas nos saldos dum centro comercial abandonado.

Venhem acompanhados polos Barbitúricos, a pior banda de rock’n'roll do mundo. O típico grupo montado para engatar com as raparigas do lugar. Bebem cubatas de Larios e dam-lhe caladas a joins de haxixe e maria. Também som muito de irem a centros comerciais a comprar trapitos pola sua condiçom de escravos da moda. Proximamente editarám o seu primeiro single.

Para amenizar a festa contaremos com dous DJs de luxo, criados e formados nos melhores bares de punk e rock’n'roll: : Edu o Rápido e Mikel Eskizofrenia.

Entrada: 4€ (sócias da Gentalha e Semente: 3€)OsNovosBarbisPichelDEF

Concerto no Pichel, The Brosas e Skohlma

5 de Novembro de 2013

TheBrosas_Skohlma

THE BROSAS + SKOHLMA
Apresentaçom LP/CD THE BROSAS (Lixo Urbano)
C. S. O Pichel – Compostela
6ª feira 8 de Novembro – 22h00
Entrada: 4€ (3€ para associad@s)
Entrada + LP The Brosas: 12€
Entrada + CD The Brosas: 10€
The Brosas som umha bola de demoliçom carregada de nitroglicerina. Venhem desde Burela dispostos a destroçar-nos os tímpanos com o seu brutal rock’n’roll digno herdeiro de Motörhead e influenciado por sons hardcore e d-beat. Um cocktail em chamas de apocalipse, acidez, sarcasmo e negrura, como a que se desprende do genial desenho de Castelao que adaptam como portada do seu flamante novo LP, editado por Lixo Urbano e que podes conseguir neste concerto a preço reduzido (oferta disco + concerto polo preço do disco).
Os Skohlma estám orgulhosos de ser os “teloneiros” dos Brosas e poder mostrar-nos o seu repertório de punk-rock passado polo Termomix. Venhem também de Burela e presumem de tocar rápido, sujo e mal. Vem vê-los agora antes de se tornarem famosos e ter que pagar umha fortuna por entrar nos seus concertos.