Castros. Compostela antes de Santiago

Ver Castros e petróglifos de Compostela num mapa maior Durante este ano na comissom de história embarcamo-nos num grande e ilusionante projeto, no que aguardamos que participeis todas, pois tem moitos eidos diferentes de trabalho. Visto o sucesso do tríptico sobre petróglifos ‘Compostela na pedra’ decidimos fazer algo semelhante com os castros do concelho. Mas ao pouco de começar já vimos que o projeto ia ser dos grandes. Pouca gente sabe que no concelho de Compostela há arredor de 30 castros. O primeiro passo foi visitar todos os incluidos no PGOM para fotografalos, localizalos corretamente (no mapa que vedes arriba) e comprovar o estado atual. O que atopamos foi impresionante. Nenhum dos xacementos está escavado e, aínda que a maioria estam cubertos de mato, podem-se observar uma rica variedade de disposiçons distintas. Nas primeiras visitas já nos chamarom a atençom algumas situaçons, as relaçons con outros castros cercáns (algums noutros concelhos)… Depois de este trabalho de recolheita de dados, correçom e visualizaçom tivemos uma reuniom com Suso Amado, Xurxo Ayán e Manolo Gago para amosar-lhes o feito até o momento e pensar o que se poderia fazer em diante. Agora mesmo estamos a engadir fichas no sítio PatrimonioGalego.net e preparando o tríptico para publicar em setembro. Na lista de pendentes temos fazer roteiros, sinalizaçom, açons de denúncia do estado de abandono de alguns dos castros… e moito mais! A historiografia espanhola oculta a nossa história, as administraçons coloniais maltratam o nosso património. É o nosso dever dalo a conhecer e defendelo. Se tes qualquer sugestom ou ideia nova na comissom de história sempre estamos abertos a escoitar novas voces e a acolher nova gente. Temos reuniom as segundas feiras às 20h30, na Gentalha do Pichel. Nom deixes de participar!