Novidades nos Cursos

One thought on “Novidades nos Cursos”

1. Gentalha diz:

   4 de Outubro de 2014 às 16:00

   Os cursos, além de serem um espaço de convívio e aprendizagem, som umha ajuda económica para manter o centro social, por isto pedimos o teu compromisso à hora de fazer o pagamento no início de cada mês.

   Sem matrícula. Desconto de 2€ no preço do curso para pessoas associadas, desempregadas (deve acreditar-se) ou que frequentem mais dum curso.

   Com inscriçom prévia em gentalha [arroba] gentalha.org

   Dúvidas e esclarecimentosem gentalha [arroba] gentalha.org ou no 698142936

   DE MANHÁ

   Gaita

   Quartas-feiras de 10h30 a 11h30. Começo 1 de outubro. Preço 20€. Número mínimo de participantes: 4 pessoas.

   No curso fará-se umha aproximaçom à técnica do instrumento e aprenderemos algumhas peças. O curso irá da iniciaçom ao aperfeiçoamento, trabalhando ouvido, afinaçom e linguagem musical, com as noçons básicas de teoria e leitura aplicadas à prática da música tradicional. O professor será David Canto Veiga, gaiteiro iniciado na música tradicional na comarca da Marinha, para depois receber formaçom em percussom e requinta e flautas travessas em aCentral Folque e no Conservatório. Tocou com”Acibreira” ou ”Quarteto da Gentalha”, além de gravar no último disco de Os Cempés e colaborar no último disco de Kepa Junquera.

   Técnica de tamboril tradicional

   Quartas-feiras de 11h30 a 12h30. Começo 1 de outubro. Preço 20€. Número mínimo de participantes: 4 pessoas.

   No curso de percussom praticará-se a técnica de tamboril tradicional (agarre das baquetas, batido e redobre, acentuado, etc), para a sua aplicaçom nos ritmos empregados na música tradicional galega. Fará-se um achegamento que permita a interpretaçom dum repertório variado que permita ao alunado desenvolver-se no acompanhamento da melodia. O professor será David Canto Veiga.

   Iniciaçom à dança tradicional

   Quartas-feiras de 11h30 a 12h30. Começo 1 de outubro. Preço 15€. Número mínimo de participantes: 6 pessoas.

   Neste curso aprenderemos pontos de diferentes zonas da Galiza para podermos participar ativamente em festas e foliadas. Será com Fuensanta Nieto, vizinha de Compostela, que bailou em diferentes agrupaçons folclóricas da comarca. Também fijo algum trabalho de campo por diferentes lugares da Galiza para aprender, de primeira mao, as diferentes maneiras de bailar dos e das nossas velhas.

   Canto e Pandeireta. Iniciaçom

   Segundas-feiras de 12h30 a 13h30. Começo 6 de outubro. Preço 16€

   As aulas de pandeireta e canto virám da mao de Carme Iglesias, integrante das Pandeireteiras Bouba, da Pontragha. As pessoas velhas da comarca, de quem aprendeu a música, estám presentes no seu modo de tocar e ensinar. De Tordoia portas para fora… Começa a rota da pandeireta!

   Pilates Iniciaçom

   Terças e Quintas-feiras de 10h a 11h. Começo 2 de outubro. Preço 20€. Número mínimo de participantes: 6 pessoas.

   O sentido destas aulas de pilates é o da prevençom da apariçom de dores no corpo, sobretudo nas costas e a coluna vertebral, o de aliviar dores corporais e o da progressiva desapariçom dos mesmos em pessoas que já sofrem esse tipo de dores através dumha série de exercícios controlados. A mente e a respiraçom som parte fundamental para a correta realizaçom dos mesmos, sendo muito importante a relaçom corpo-mente através dos princípios de controlo, precisom, fluência, concentraçom, e respiraçom. Em resumo, praticando Pilates o teu corpo sorri!

   O professor será Leonardo, certificado polos e polas melhores profissionais do mundo, com ampla experiência em cursos, tanto a nível básico como para as pessoas mais exigentes, quem nom deixa de preparar-se e aprender dia a dia para proporcionar umha completa satisfaçom a todo o seu alunado….

   Taichi

   Terças e Quintas-feiras de 11h a 12h. Começo 2 de outubro. Preço 17€. Número mínimo de participantes: 6 pessoas.

   Achegamento prático ao Taichi, ginástica e arte chinesa. Nom se precisam conhecementos prévios, apenas calçado, roupa cómoda e a vontade de se sentir melhor no próprio corpo. Xavier Pinheiro, “Ghato”, leva 10 anos estudando artes marciais, os últimos seis focado no kungfu e no taichi-taikido.

   Francês

   Terças-feiras de 12h a 13h. Começo 7 de outubro. Preço 14€. Duraçom de 4 meses com possibilidade de continuar. Número mínimo de participantes: 4 pessoas. Nível básico.

   Este curso está pensado para aquelas pessoas que querem aprender um bocadinho de francês e tenhem algo de tempo livre umha manhá à semana para experimentar com a aprendizagem dumha língua. Aprenderemos a nos desenvolver em situaçons quotidianas e a falar sem medo. Aprender francês é umha cousa séria… ou nom. Raquel Paz, professora de francês como língua estrangeira, será a professora na Gentalha.

   À TARDE

   Dança tradicional para quem nom sabe nada

   Quartas-feiras de 20h a 21h. Começo 1 de outubro. Preço 15€.

   Ensinada por Chus Caramés, que há décadas que anda no baile galego. Começa na sua terra natal e a dia de hoje continua reaprendendo em festas e foliadas. Além de bailadora e pandeireteira, é a organizadora dum evento muito importante para a musica tradicional do país, “os encontros de musica tradicional de Carvoeiro”.

   Dança tradicional para quem sabe um chisco

   Quartas-feiras de 19h a 20h. Começo 1 de outubro. Preço 15€

   Se já foste um aninho a dança é mais ou menos lembras o básico, este é o teu curso! Aqui afiançarás o aprendido e darás umha volta para continuares a desfrutar das festas e foliadas. Quem te ajudará é umha rapariga que sabe disso. Carme Campo aprendeu os primeiros pontos no Porrinho, aperfeiçoou-nos num grupo de Compostela e agora mantém-se aprendendo no dia a dia, em seráns e festivais de música tradicional.

   Dança tradicional para quem sabe um chisco mais

   Segundas-feiras de 22h a 23h. Começo de 6 de outubro. Preço 15€

   Com Fuensanta Nieto aprenderemos alguns bailes de diferentes zonas para podermos continuar a participar ativamente em festas e foliadas, além de aperfeiçoar as técnicas do baile que já temos aprendidas doutros anos.

   Dança do ventre tribal e Tribal Fusom.

   Segundas-feiras de 20h a 21h Aperfeiçoamento, começo 6 de outubro. Preço: 20€.

   Quartas feiras de 18h a 19h. Iniciaçom, começo 1 de outubro. Preço: 20€.

   Se nom conheces nada desta dança e sentes especial atraçom polos ritmos orientais, este é o teu curso. Aprende este apaixonante estilo de dança desde a base e começa a sentir os benefícios da sua prática no teu corpo e na tua mente. Conheceremos a história e as origens de esta dança; a técnica empregada, o vocabulário específico, o vestuário (criando os nossos próprios desenhos de roupa e imagem). Adentra-te no ATS (American Tribal Style), conhece a sua evoluçom o ITS (Improvisional Tribal Style) e o Tribal Fusom, e as diferenças que existem entre os mesmos.

   Tamara Sánchez é bailarina e coreógrafa de dança do ventre. Começou a sua formaçom nesta dança há 14 anos, da mao de Martha Franco. A paixom pola dança e as suas inquedanças polo mundo e a filosofia oriental levárom-na a contactar com grandes profissionais, de reconhecido prestígio a nível internacional, como Mohamed El Sayed, Mahmoud Reda, Farida Fahmy, Shokry Mohamed, Sharon Kihara, Morgana, Miriam Szabo, Mistri… Na atualidade trabalha na investigaçom dos benefícios da prática desta dança com mulheres grávidas e como Professional Tribal Training, fai parte da companhia de Anita Esmel Jou (bailarina e coreógrafa de Tribal Fusion. Diretora da companhia de dança ETNIKAS e Banjara Studio, en Barcelona) com que proximamente estreará espetáculo passando por cidades como Corunha, Santiago, Madrid e Barcelona.

   Pandeireta Iniciaçom e Aperfeiçoamento

   Quartas-feiras. Iniciaçom de 19h a 20h. Aperfeiçoamento de 20h a 21h. Começo 1 de outubro. Preço 14€

   Nas aulas aprenderemos a tocar os ritmos básicos da música tradicional galega, mas também faremos exercícios de técnica, de improvisaçom e de acompanhamento a outras músicas que costumamos ouvir. Aitana Eanes, a professora, está acompanhada pola música tradicional desde 1997. Começou sob a direçom do mestre Lolete como gaiteira, passando depois por outras agrupaçons como Airinhos de Fene. Formou-se em diferentes cursos com Eliseo Parra, Aleix Tobias ou Luis Prego, e tem colaborado em vários trabalhos discográficos e espetáculos. Desde há dez anos leciona aulas regulares e cursos intensivos na Galiza, na Catalunha (Coetus, escola folque do Pirenéu) e Portugal.

   Gaita

   Segundas-feiras de 19h a 20h . Começo 6 de outubro. Preço 20€.

   * Com David Canto. Ver informaçom nos cursos de Manhá.

   Técnica de tamboril tradicional

   Segundas-feiras de 18h a 19h. Começo6 de outubro. Preço 20€.

   * Com David Canto. Ver informaçom nos cursos de Manhá.

   Música para peto. Harmónica e mais uns instrumentos miúdos.

   Segundas-feiras de 19h a 20h. Começo 6 de outubro. Preço 20€. Duraçom de outubro a dezembro.

   Curso para todos os níveis sobre instrumentos que podem ser levados no peto, porque a música é o refúgio onde podermos agachar-nos contra o aborrecimento, a defesa da mediocridade. Curso para aprender/melhorar a tocar a harmónica em vários estilos (tradicional, folque, popular, blues…) e liçons para outros instrumentos: tarranholas, harpas de boca, assobios, colheres… O professor será Ariel Ninas (a.k.a. Mauro Sanín)músico polifacético associado à aCentral Folque, onde desenvolve a sua atividade profissional regular. Ainda que pouca gente o sabe, a harmónica é o seu primeiro instrumento, que toca desde os 14 anos e tivo em Marcos Coll (Reyes el K.O.) o seu professor. Como sanfonista, é membro da OMEGA (Orquestra de Música Espontánea da Galiza) e Ulobit (multimedia experimental).

   Baixo elétrico

   Terças-feiras de 18h15 a 19h15. Começo 7 de outubro. Preço 20€

   Para poder chegar a mais gente e também dar um ensino melhor, veremos dous níveis: um primeiro nível elementar, onde conheceremos a técnica básica para podermos fazer soar o baixo com um som bom e achegar-nos à interpretaçom de pequenos ritmos com o nosso instrumento, como também começar a conhecer as escalas e os acordes. Um segundo nível intermédio que pretende uns objectivos mais altos, melhorar a técnica das duas maos e o slap e popping , trabalhar as escalas e os acordes com diferentes padrons rítmicos, a criaçom de linhas de baixo e por último a prática de diferentes estilos musicais no baixo eléctrico.

   O professor será Alberte Rodríguez, picheleiro de sempre. Estudou contrabaixo no Conservatório Superior de Música da Corunha e na Escola de Altos Estudos Musicais da Galiza, como também baixo eléctrico em Estudio, escola de música e em Aula Combo. Completou sua formaçom com diferentes cursinhos e aulas magistrais (Wolfgang Harrer, Diego Zecharies, N.H. Orsted Pedersen, Ferrán Sala, Fernando Flores ). Tocou, gravou ou colaborou como baixista ou contrabaixista em: Tonhito de Poi e Rasa Loba, Najla Shami, Orquestra de Cámara Galega, Dios ke te crew, Kana Kaiana, Som do galpom, Sergio Tannus, Emilio Rúa, Pé de boi, Orquestra Sinfónica de Melide e Ophiusa entre outros.

   Na actualidade dedica-se ao ensino e à interpretaçom através da participaçom em: PELdeNOZ, NARF TRIO, Xoán Curiel, e Roi Casal.

   Canto e Pandeireta.

   Intermédio:segundas-feiras de 21h a 22h.Aperfeiçoamento:segundas-feiras de 20h a 21h. Começo 6 de outubro. Preço 16€

   As aulas de pandeireta e canto virám da mao de Carme Iglesias, integrante das Pandeireteiras Bouba, da Pontragha. As pessoas velhas da comarca, de quem aprendeu a música, estám presentes no seu modo de tocar e ensinar. Desde Tordoia portas para fora… Começa a rota da pandeireta!

   Guitarra.

   NívelI: terças-feiras de 19h a 20h . Nível II de 20h a 21h. Começo 7 de outubro. Preço: 25€.

   As aulas terám um máximo de três pessoas por hora. Som ideais quer para gente que começa do zero, quer para quem já tem um nível intermédio. Nelas, trabalharám-se teoria, harmonia e técnica de forma conjunta. A ideia é fazer aulas divertidas onde a criatividade e a improvisaçom tenham um papel importante. Tocarám-se temas de diversos estilos (blues, rock, country, reggae, funk ) e temas que proponha o próprio alunado, se a complexidade do tema o permite. O professor será Benjamín Vázquez, professor em educaçom musical e atual guitarrista de The Lákazans.

   Grupo Coral Gaita Armada

   Quartas-feiras de 20h a 21h30. Começo 1 de outubro. Preço 17€

   Bem dize o refraneiro “Quem canta os males espanta”O objetivo deste curso é cantarmos juntas partilhando cantos de taberna, tradicionais, populares e doutros estilos musicais. Para isto trabalharemos os seguintes contidos: respiraçom; emissom, entoaçom e expressividade da voz; escuita; noçons básicas da linguagem musical e criaçom de peças.

   Para participar deste curso nom se require experiência, todas temos umha voz maravilhosa por explorar: vem cantar connosco! Nuria Lestegás, música de formaçom clâssica na especialidade de violino. Leva cantado em coro e outras agrupaçons desde nena, começando na Escola de Música de Xove e mais adiante no Obradoiro Vocal “A Vila” de Ponte Areias; “Cantigas e Agarimos”, Coro da Escola Estudio e Orfeón “Terra A Nosa”, em Compostela.

   Tea & Sympathy: Clube de conversa em inglês

   Segundas-feiras: Nível Intermédio I de 19h a 20h; Nível Intermédio IIde 20h a 21h. Começo o 6 de outubro. Grupos de 6/7 pessoas máx. Preço 20€.

   Quintas-feiras: Nível Aperfeiçoamento Ide 19h15 a 20h15; Nível Aperfeiçoamento II de 20h a 21h. Começo o 2 de outubro. Grupos de 6/7 pessoas máx. Preço 20€.

   Queres melhorar e/ou praticar os teus conhecimentos de inglês num ambiente relaxado e informal?

   Interessam-te temas relacionados com a cultura, o ambiente, o social etc…? Entom este curso é para ti!

   Nos cursos serve-se umha boa caneca de chá quentinho. Abster-se aquelas pessoas que preferirem um ‘relaxing café com leite’. ‘No tea, no life’

   Curso impartido por Alfonso Barata, professor EFL (English as a Foreign Language)

   Português

   Nivel Básico. Terças-feiras de 20h30 a 21h30. Começo 7 de outubro.

   Nivel Avançado. Quintas-feiras de 20h30 a 21h30. Começo 2 de outubro.

   Preço 14€. Duraçom de 4 meses

   Com cerca de 272,9 milhons de falantes, o português é a quinta língua mais falada no mundo. Neste curso vamos aprender aqueles conteúdos gramaticais, socioculturais e lexicais que nos ajudem a comunicar com oito países lusófonos, mas sempre tendo em conta que sermos galegas é uma entrada que favorece o acesso ao mundo em português.

   Carmen Saborido é uma padronesa licenciada em Filologia pela USC. Completou estudos de língua e cultura portuguesas em Lisboa. Trabalhou como tradutora, corretora ortográfica, livreira e gestora de conteúdos. Hoje é professora no ensino secundário, onde dá aulas de português a adolescentes.

   Língua catalá

   Terças-feiras de 19h150 a 20h15. Começo 7 de outubro. Preço 14 euros. Duraçom de 3 meses. (com possibilidade de ampliaçom)

   O curso de língua catalá está dirigido a pessoas que queiram adquirir as ferramentas linguísticas básicas para entender textos escritos e orais em catalám, de jeito que desenvolvam as habilidades necessárias para passar da compreensom da língua ao seu uso ativo. Na aula, além de aprender catalám de jeito prático e dinámico, o alunado conhecerá parte da história e da cultura dos Països Catalans. A professora do curso será Helena Capera Cullell, jornalista catalá afincada na Galiza há sete anos. Trabalhou em distintos meios de imprensa escrita e rádio de Catalunya e é umha curiosa das línguas e das suas falantes.

   Francês

   Quartas-feiras de 19h a 20h. Começo 1 de outubro. Preço 15€. Duraçom de 3 meses.

   Este curso, para alunado com pouca ou nengumha relaçom anterior com esta língua, tenciona criar falantes capazes de expressar desejos, manter pequenos debates e desenvolver-se com normalidade num entorno francofalante. Aprenderás como com umhas simples noçons bem interiorizadas poderás descobrir as diferentes culturas que englobam o mundo francófono. Lecionado por Céline Nédélec, linguista bretá afincada na Galiza, conta com estudos universitários no ensino da língua francesa e com umha experiência como docente na comarca de há seis anos. Atualmente investiga em como contar os contos.

   Pilates Aperfeiçoamento

   Terças e quintas-feiras de 19h15 a 20h15. Começo 2 de outubro. Preço 20€

   *O professor será Leonardo. Ver mais info nos Cursos de Manhá.

   Teatro

   1. Obradoiro de Iniciaçom Teatral e adestramento atoral: Terças-feiras de 20h15 a 21h15. Começo 7 de outubro. Preço por confirmar.

   A partir da leitura e discusom de textos dramáticos, a improvisaçom e a montagem de cenas, trabalharam-se neste curso os objetivos de conhecer e utilizar os elementos de expressom corporal, conhecer e desenvolver a dicotomia gesto/palavra, de desenvolver capacidades miméticas, de distinguir ritmo e dinámica de movimento ou de utilizar o corpo como meio de expressom teatral entre outras.

   2. Grupo de Teatro do Pichel: Terças-feiras de 21h30 a 23h. Começo 7 de outubro. Preço por confirmar.

   Neste obradoiro pretendemos investigar, através dos vários níveis de expressom que oferece o Teatro, o interior e o arredor de cada pessoa que conforme o grupo, assim como a interacçom do mesmo grupo, concluindo com umha representaçom cénica. Trabalharemos basicamente cinco vertentes: a expressom (oral e corporal), a imaginaçom e a criatividade, a comunicaçom, o autoconhecimento e a abordagem cultural. Salientar o carácter lúdico e de dinamizaçom social que implica a prática teatral.

   Zé Paredes, o professor, é ator e diretor de cena dedica-se à atividade profissional do teatro desde o ano 1996. Iniciou a sua formaçom no Porto, no Ballet-Teatro Escola Profissional. Em 2001 estabelece a sua relaçom com o teatro galego, através dumha coproduçom entre o Teatro do Noroeste, a Companhia de Teatro de Braga e o Centro Dramático Galego. Vive na Galiza desde 2002, tendo sido coordenador da Aula de Teatro da Universidade da Corunha e junto com Mónica Camaño cria o projeto Teatro Nu.

   Fotografia I

   Segundas-feiras de 21h a 22h. Começo o 7 de outubro. Preço 17 euros. Duraçom de 3 meses (Após estes 3 meses começará com o mesmo horário o curso de Fotografia II). Número mínimo de participantes: 5 pessoas.

   Mediante o curso pretende-se que o alunado tire o máximo proveito das suas cámaras, quer sejam compactas quer reflex, treinando o uso de todas as suas funcionalidades assim como aprendendo os fundamentos básicos da fotografia, para desenvolver as suas potencialidades artísticas. Além disso, comentaremos os referentes históricos e artísticos necessários para compreender a importáncia histórica da fotografia na nossa sociedade e faremos umha breve introduçom a algumhas das mais importantes disciplinas fotográficas. O professor seráToxa, fotógrafo formado na EASD Ramón Falcón de Lugo e que exerce como profissional desde o ano 2010

Comments are closed.