Neste mês começamos cursos e monográficos novos e lembrai que fica praça nalgúm dos que começamos em Outubro.
Mais informaçom embaixo do cartaz. Inscriçons e dúvidas em gentalha@gentalha.org
MONOGRAFICOS DE FEVEREIRO e MARÇO
Pessoas sócias terám desconto do 10% no preço do monográfico.
- Pilates solidário com a Associaçom Abeiro
Sábado 21 de Fevereiro de 11h a 12h
Umha hora de pilates a cambio de material útil para a associaçom Abeiro (principalmente para gatos, cans. Também serve material para mercadinhos de segunda mao). Com Leonardo Veres, o profe de pilates da Gentalha.
Sábado 21 de Fevereiro às 16h30. Preço 5€ (6€ pessoas nom sócias)
Em colaboraçom com vacaloura. Elaboraremos uma receita salgada e outra doce. O recadado destinaremo-lo a gastos veterinários dos animais.
- Curso básico de retoque fotográfico.
Quinta Feira 26 de fevereiro de 20h30 a 22h e Sexta feira 27 de fevereiro de 19h a 21h30.
Preço 20€. Máximo 10 pessoas. Necesário trazer portátil com umha versom do photoshop cs e lightroom (opcional).
Neste curso aprenderemos a trabalhar formatos digitais, uso de formato RAW e revelado, ferramentas básicas de Photoshop, manexo de capas e máscaras de capa, capas de ajuste, correçom de cor, máscara de enfoque e gardado final e uso prático com material traído polo alunado.
O profe será o fotógrafo Alberte Peiteável, cuxo trabalho principal é a fotografia editorial centrada na sua maioria em paisagem, retrato e arquitetura.
- Fiado e torcido da la de ovelha com fuso e parafusa
Sábado 28 de Fevereiro. Horário: de 10h30 a 13h30 e de 16h a 20h. Preço 25€. Máximo 15 pessoas.
A la das ovelhas galegas nom é um residuo senom um recurso potencialmente renovável que deve ser aproveitado o nosso benefício e deleite. Neste monográfico faremos fío de la de ovelha com as nossas próprias mans ajudad@s apenas por duas ferramentas: o fuso e a parafusa. Está dirigido tanto a mulheres homes, e para todas as idades a partir de 9 anos.
Velaivén Artesanía é Marta Seco Trindade, pessoa sempre interessada nas cousas feitas a man, com calma e alma, com esforço e agarimo, polo que conxuga isto com o aproveitamento das potencialidades dos materiais e de nós própri@s como suxeitos e actores sociais a través da ética da RECICLAGEM e do DIY (do it yourself, fai-no por ti mesm@) e a técnica, a beleza e funcionalidade dos produtos, o respeito pola natureza e a sabedoría ancestral da ARTESANÍA.
- Obradoiro de Percussom Doméstica
Sábado 14 de Março. Horário: de 11h a 14h e de 16h30 a 19h30. Preço 30€.
Neste monográfico faremos um percurso polas músicas tradicionais da península ibérica, de Europa do leste e de América do sul, vendo que os instrumentos domésticos som um óptimo veículo para a aprendizagem musical de técnicas tradicionais e modernas.
Para realizar o obradoiro é recomendável trazer instrumentos domésticos como culheres, tijola, dedais de costura, caldeiro, táboas de lavar, sachos, latas, almirez ou morteiro ,… Também se podem trazer outros instrumentos de percusión tradicional para usar como base rítmica nalgumhas partes do obradoiro.
CarlosMartínez leva desde 2003 até a atualidade percorrendo grande parte da península e Europa como percusionista de “Pan de Capazo”. No ano 2009 forma em Compostela a Fanfarria Taquikardia, grupo de referencia na animaçom de rua galega. Durante vários anos percorre a geografia galega como membro do grupo de percussom tradicional “PelePau”. Na atualidade o seu trabalho musical está em “Pan de Capazo”, “Os Calandracas” e o desenvolvemento das percussons domésticas, os bombos e os pandeiros de diferentes culturas do mundo.
NOVOS CURSOS A PARTIR DE MARÇO
Sem matrícula (2€/mês de desconto para pessoas socias e desempregadas)
- TÉCNICAS DE ACOMPANHAMENTO COM PANDEIRETA
Segundas feiras de 21h a 22h30. Aulas cada 15 dias. Começo segunda feira 2 de março. Preço: 10€/aula. É preciso ter conhecementos prévios do instrumento.
Neste obradoiro aprenderemos recursos e trucos para acompanhar com algo de jeito a outros instrumentos.
Os contidos de cada aula serám diferentes e independentes entre si, cada dia centraremo-nos num ritmo e trabalharemos num arranjo concreto polo que poderás escolher as aulas que mais che interessem sem necessidade de ir a todas.
Como fas para enterar-te do contido de cada aula?
O primeiro que tes que fazer é preinscrever-te em gentalhadopichel@gmail.com, assi entrarás numha listagem de mail na que se te avisará com antelaçom do contido de cada aula. Se te interessa, apontas-te, senom aguardas à seguinte. Esta informaçom também a poderedes consultar no facebook e na web da Gentalha do pichel. A profe será Aitana Cuétara, profe de pandeireta na gentalha.
Terças e Quintas-feiras de 10h a 11h. Começo 3 de março. Preço 20€. Número mínimo de participantes: 6 pessoas.
O sentido destas aulas de pilates é o da prevençom da apariçom de dores no corpo, sobretudo nas costas e a coluna vertebral, o de aliviar dores corporais e o da progressiva desapariçom dos mesmos em pessoas que já sofrem esse tipo de dores através dumha série de exercícios controlados. A mente e a respiraçom som parte fundamental para a correta realizaçom dos mesmos, sendo muito importante a relaçom corpo-mente através dos princípios de controlo, precisom, fluência, concentraçom, e respiraçom. Em resumo, praticando Pilates o teu corpo sorri!
O professor será Leonardo Veres, certificado polos e polas melhores profissionais do mundo, com ampla experiência em cursos, tanto a nível básico como para as pessoas mais exigentes, quem nom deixa de preparar-se e aprender dia a dia para proporcionar umha completa satisfaçom a todo o seu alunado….
MONOGRAFICOS DE FEVEREIRO e MARÇO
Pessoas sócias terám desconto do 10% no preço do monográfico.