Hoje evitamos torrar-nos ao sol indo a Universidade da Gentalha. Para esta Segunda-Feira 13 de Julho teremos multidom de cursos nos que, ainda que nom vos inscrivirades, poderedes ir igualmente. Estam todos com a inscriçom aberta agás  “Introduçom à cosmética natural” e “1,2,3… Conectando!”. Nesses já nom ficam praças. Botade um olho: up12ªFEIRA, 13 DE JULHO:
  • Introduçom à cosmética natural. Elaboraçom de sabom e bálsamo artesanal. Charo e Carla de Druantia. De 16h15 a 17h45.
Breve achegamento às propriedades de algumas plantas medicinais, informaçom dos tóxicos mais frequentes da indústria cosmética convencional e elaboraçom prática de sabons vegetais e bálsamo. Os produtos elaborados repartirám-se entre as pessoas participantes.
  • Repostaria tradicional galega. Tareixa Cereixa. De 18h a 19h30.
Faremos canhas tradicionais e o recheio de creme.
  • 1, 2, 3… Conectando! Lara Barros. De 18h45 a 19h45.
Um tempo de ligaçom com o nosso corpo, com a nossa respiraçom, para sentirmo-nos e escuitarmo-nos e ir construindo espaços próprios desde o nosso interior
  • Limpando tóxicos do fogar. Vero Torrijos. De 19h30 a 21h.
Aprenderás a fazer o teu próprio detergente e lava-louças. Traz o óleo essencial de que mais gostes para que a tua casa cheire a ele e umha garrafinha onde levar-te para casa o teu detergente.
  • “Esses dias”… tenhem nome! Andréa Rico. De 20h a 21h30.
O tabú cultural sobre o corpo e sexualidade das mulheres fai que o desconhecimento sobre o próprio ciclo menstrual seja muito. Achegaremo-nos às súas diferentes fases porque só nomeando a realidade poderemos visibilizá-la.
  • Acçom sindical para dummies. Martim Paradelo. De 21h30 a 23h.
Estratégias na defesa das trabalhadoras e trabalhadores. Vantagens da representaçom e da auto-organizaçom. Que fazer no teu posto de trabalho em ausência de conflitos, exemplos e vitórias sindicais.
  • Fazer fotos na noite! Alberte Peiteável.  Às 22h.
Aprende a tirar-lhe mais partido à tua cámara sem luz natural.