vvv Nestas II Conversas sobre a gestom cultural o Colectivo A Rula (Compostela) e Mariña Patrimonio (Cervo, Lugo) falaram dos seus projetos de defesa, promoçom e posta em valor do nosso património. Ademais, a Comissom de História apresentará o seu novo tríptico de título ‘Castros, Compostela antes de Santiago’ junto a outros projetos nos que trabalha e próximos planos arredor da divulgaçom. Estades todas invitadas! Este é o texto de apresentaçom do tríptico: “Haverá quem leve surpresa ao inteirar-se de que existem castros no concelho de Compostela. Nom é estranho, já que esta nom é umha informaçom que apareça nos guias turísticos ou noutros materiais divulgativos habituais. Mas, por estranho que parecer, realmente existem esses castros e nom precisamente em número pequeno. O catálogo de bens culturais anexo ao Plano Geral de Ordenaçom Municipal (PGOM) recolhe mais de 30. O que se passa é que os castros compostelanos, ao igual que outros elementos que nom encaixam bem nos esquemas turistificadores jacobeus, sofrem dos males habituais do património cultural galego: esquecimento, abandono, subestimaçom, ocultamento… Da Comissom de História da Gentalha do Pichel já manifestamos em numerosas ocasions a nossa contrariedade com esta situaçom e, conseqüentemente, levamos avante iniciativas para difundirmos e tornarmos accesível parte desse património oculto. Agimos como o convencimento de que só conhecendo o nosso património poderemos apreça-lo e conserva-lo.”