Umha espécie invasora é aquela que, fora de cativeiro, estabelece umha populaçom auto-regenerante num lugar ou meio situado para além do seu limite histórico de distribuiçon. As bioinvasons, produzidas como resultado do processo de globalizaçom, som atualmente a segunda causa de extinçom de espécies, só por baixo da destruiçom de hábitats e parte da sua perigosidade radica no imprevisíveis que som as suas consequências. Para além disto, existem fatores que as favorecem, entre os quais destacam os incêndios florestais, as repovoaçom com espécies exóticas, a perda de atividade agrícola, a construçom de barragens e água de lastre dos barcos cargueiros transoceânicos, causantes por exemplo dalgumhas das piores marés vermelhas tóxicas.

A Comissom de Meio da Gentalha do Pichel pretende com esta agenda contribuir à conscienciaçom desta problemática, que entendemos inerente ao próprio modo de produçom capitalista, e ao reconhecimento e deteçom dalgumhas das principais espécies invasoras que afetam ao nosso país e particularmente à nossa comarca.

Para isso achegamos 12 fichas, umha por mês, com informaçom simples para ajudar-nos a identificar, conhecer e mesmo eliminar as espécies que suponhem umha ameaça para o nosso meio.Agradecemos a colaboraçom de Adega na achega das imagens de espécies desenhadas por Calros Silvar e no assessoramento.

anunaico agenda 2018