A festa do Dezassete que se fai… em 2021
No contexto da atual pandemia de Covid-19 vemo-nos na obriga de suspender a Festa do Dezassete, evento com o que levamos reivindicando com orgulho a nossa língua todos os meses das Letras de forma ininterrompida desde fai 16 anos. Os motivos que nos levam a tomar esta decisom som vários:
A continuaçom do confinamento e a previsível impossibilidade de levar a cabo grandes reunions de gente num futuro próximo para evitar a transmissom do vírus, fai inviável o sentido próprio da festa.
A obriga de ficarmos na casa puxo em suspenso o grupo de trabalho que já iniciara o seu funcionamento a finais de janeiro. A impossibilidade de podermos desenvolver con normalidade o enorme trabalho que supóm um evento destas características evidencia a conveniência da suspensom.
A necessidade de focalizar todos os nossos esforços em assegurar a sobrevivência do centro social ante a delicada situaçom económica na que se encontra o projeto impede-nos pensar na organizaçom dumha atividade que nom reporta ganho económico -ou mesmo dá perdas-, que se financia com atividades prévias que a pandemia suspendeu e que depende em boa medida da colaboraçom de locais comerciais da cidade cuja situaçom económica é grave.
Por todo isto, decidimos cancelar a Festa do Dezassete 2020 mas carregamos as pilhas para umha grande festa em 2021.
