Ficache sem praça em baile e pandeireta? Nom te preocupes! Aqui trazemos umha soluçom! Propomos, para este mes de outubro, dous monográficos de iniciaçom, um ao baile tradicional e outro à pandeireta, assi como um de pandeireta para quem já sabe um chisquinho (nivel intermedio). Inscriçons até dous dias antes de cada monográfico em cursos@gentalha.org iMAGEN-276x300 Aqui tedes a informaçom:
  • Inicia-te na pandeireta, desde a base! com Carme Iglesias. Sexta feira 30, de 11h a 13h.
 Tinhas idea de iniciar-te este curso na pandeireta e chegaches tarde? Este é o teu monográfico! Conheceremos os primeiros movimentos e ritmos para quem nom sabe nada: abaneos, jota, muinheira, agarrado… até algumha copla botaremos!
Prezo: 25€(sócias) / 30€ (nom sócias)
  • Pom-lhe acento ao teu instrumento. (Pandeireta nível intermédio) com Carme Iglesias. Sexta feira 30, de 19h a 21h.
Ana-come-pam  ana-come-pam….Ana já deve estar empachada! É o momento de saír da comodidade rítmica de sempre e experimentar novos acentos percutivos. Apanha bilhete e embarca-te nesta viagem, com o nosso instrumento, ao sul pontevedrés.
Prezo: 25€(sócias) / 30€ (nom sócias)
  • Inicia-te no baile, desde a base! com Chus Caramés. Sábado 31, de 11h a 13h30.
Rabeas por aprender a bailar e participar das foliadas? Quigeste anotar-te este ano e ficas-te sem praça? Aqui tes a soluçom! Vem aprender os passos básicos e entender as dinámicas do nosso baile tradicional.

Prezo: 25€(sócias) / 30€ (nom sócias)

CARME IGLESIAS é integrante das Pandeireteiras Bouba, da Pontragha. As pessoas velhas da comarca, de quem aprendeu a música, estám presentes no seu modo de tocar e ensinar. De Tordoia portas para fora… Começa a rota da pandeireta!
CHUS CARAMÉS há décadas que anda no baile galego. Começa de mui novinha na agrupaçom folclórica da sua terra natal e a dia de hoje continua aprendendo da man das nosas pessoas velhas e em festas e foliadas. Além de bailadora e pandeireteira, é a organizadora dum evento muito importante para a música tradicional do país, “os Encontros de Música Tradicional de Carvoeiro.
PROTOCOLO CURSOS DO PICHEL ANTE O COVID.
– Garantir rátios protocolárias.
– Ventilar e/ou usar espaços ao ar livre caso as condiçons metereologicas o permitam.
– Desinfetar o espaço.
– Uso de máscara durante todo o tempo que se permaneza no Centro Social, incluindo o momento da actividade. – Desinfeçom de mans e calçado a través do hidrogel e do felpudo higenizante que o C.S disporá – Nom assistir à actividade si se padece algum sintoma de Covid-19 – Avisar ao C.S caso se confirme possitivo ao virus.