Nesta sexta-feira 16 de setembro visita o nosso centro social Madalena Gamalho, que apresenta o seu disco Invento. Achegai-vos para gozar da maravilhosa voz desta mulher e das suas músicas!
Madalena é umha das grandes vozes emergentes do panorama musical galego. Cantora e compositora com ampla formaçom em técnica vocal e umha especial conexom com o mundo lusófono. Inicia o seu percurso musical em 2015 em formaçons como Nota Bene ou Os Meninos, atuando na Galiza e em Portugal. Vocalista na atualidade também da banda jazz folk Laroá e recentemente finalista no concurso Sonidos Mans 2022 com o seu projeto mais pessoal, INVENTO.
INVENTO é o seu disco de estreia, um álbum de estúdio resultado da sua evoluçom vital e vocal dos últimos anos e da sinergia e amizade com Iván Barreiro. Um projeto que integra letras e melodias que convidam a comover, conectar e refletir sobre o ser, sobre a vida e as suas contradiçons. Umha reconciliaçom com o amor e as emoçons humanas, transmitidas através de um universo sonoro de ecletismo e atrevimento. Com dez cançons: seis de autoria própria, três poemas musicados e uma versom da cançom “Teresa Torga” de José Afonso.
Hora do concerto: 21h30. Bilhetes 8€ / 10€ nom associadas
