Chover choveu (e ventou) mas nom fiscastes na casa. Após três anos sem o guateque de inverno, este 30 de dezembro juntamo-nos para celebrar ao nosso jeito o solstício da estaçom mais fria do ano. As Fillas de Casandra, a Menina Arroutada com o Malandrómeda e mais a DJ Misa oferecerom-nos umha festa que a muitas de nós nos fazia muita falta. Obrigadas de coraçom por tanto!
Como é habitual, nunca chove para gosto de todas. Assim foi que o mesmo dia do guateque, de manhá, atopamos a carpa do terraço rota polo temporal. Embora nos alegrássemos de que nom houvesse que lamentar danos pessoais, isto causou-nos importantes contratempos. Por umha banda, tivemos que dedicar trabalho a desmontá-la antes de que a festa desse começo para evitar maiores danos. Por outra, dada a forte previsom de chuva a carpa resultava fundamental para as assistentes que assim o quigessem pudessem sair fóra evitando assim umha lotaçom no interior do local que noutras ocasions nos resultou difícil de gerir. Isto levou-nos a decidir que inicialmente só pudessem aceder ao local as pessoas que tivessem bilhete para o concerto. Trata-se dumha medida que nunca antes tínhamos tomado e nom nos sentimos cómodas restringindo acesso ao centro social. Por isso, queremos pedir desculpas se algumha de vós se sentiu violentada ou rejeitada por este facto.
Esperamos que entendades que este tipo de eventos tenhem umha carga de trabalho voluntário mui forte e lamentavelmente nesta ocasiom contamos com mui poucas maos para cobrir os turnos. Por isso, aproveitamos para animar-vos a somar-vos a este tipo de tarefas que aligeiram a sobrecarga dumhas poucas e ajudam a fazer umha festa na que todas nos sintamos mais partícipes.
Despedimo-nos desejando-vos um feliz ano 2023 e que venha cheio de ativismo cultural!
