No día Internacional do Património, as entidades adtheridas à Rede do Património Cultural manifestamos a nossa fonda preocupaçom polo inmenso perigo que implica a instalaçom de parques eólicos por todo o território.Temos conhecimento de que em muitas prospecçons, os profissionais encargados deste labor contam con mui poucas horas para emitir os seus informes, ampliando de maneira alarmante o risco dumha avaliaçom errónea ou incompleta. A iso há que engadir-lhe a quantidade importante de património sem catalogar que nom é tido em conta nas poligonais.E, por se fora pouco, a entrada de maquinária pesada e a utilizaçom de explosivos nom só afecta ao património natural. Ao seu passo, leva por diante valados de pedra seca, declarados Património da Humanidade pola UNESCO, caminhos e vieiros tradicionais, chozos, foxos de lobo, petróglifos, pedrafitas e mámoas.A destruçom de todo este património material implica também a perda dum rico e único património inmaterial sinal inequívoco da identidade do nosso país.Por isso neste 16 de novembro, levantamos a nossa voz para solicitar estudos rigorosos, medidas de protecçom, umha catalogaçom atualizada e umha paralisaçom cautelar e definitiva nos casos nos que o noso património corre um risco real.Por isso, aínda que temos muito património do que sentirmos orgulhosos e orgulhosas, neste dia só podemos estar em alerta.
