Tralo-valo e Lagháchema som como da casa aqui na Gentalha do Pichel.
Tralo-Valo é umha dupla nova da tocadora Carme da Pontragha e o sanfoneiro Ariel Ninas. Sobre melodias tradicionais e novas composiçons de inspiraçom na música de raíz, recuperam quadras e componhem outras novas para criar um discurso coerente, positivo, crítico e em feminino. Encima da base sonora de um bordom grave e contínuo desenham células melódicas repetitivas, quase hipnóticas que constroem sobre os ritmos das antergas da Galiza.
Lagháchema tenhe-no claro .”Somos as que estorvamos, somos as que condenárom, argalhamos às escuras e vamos deixando rastro. Somos umha fornada de cantadoras e tocadoras a rás do chão. Juntamo-nos no Pichel e fomo-nos deixando arrastar. Cremos que a música tradicional deve chegar a todos os ambientes e a todos os espaços. Por isso, em parte, estamos aqui. Porque somos mui bichas, mas nom bichas raras. E porque nos presta”.
Sexta 24, 22h00. 4€/5€ nom associadas.
