A Gentalha cede as instalaçons do Centro Social O Pichel e empresta, se for necessário, o material de som, sempre e quando se cumpram os seguintes requisitos:
LINGUÍSTICOS:
Pulamos pola normalizaçom do galego polo que é requisito imprescindível que o grupo solicitante tenha o seu repertório em língua galega (em qualquer umha das suas variantes) e faga as suas comunicaçons com o exterior (redes sociais, web) neste idioma. Para os grupos em inglês fica a critério do Conselho geral a cesom do espaço onde se avaliará o uso e grao de sensibilizaçom coa língua galega.
IDEOLÓGICOS
A Gentalha é um Centro Social galego de esquerdas e, como tal, nom acolhemos bandas cujas letras ou integrantes manifestem racismo, machismo, homofobia, transfobia, espanholismo ou, em definitiva, fascismo.
ECONÓMICOS
A Gentalha cede o espaço gratuitamente e nom paga cachés.
O grupo pode estipular um preço do bilhete aplicando um desconto de 1€ para as pessoas sócias da Gentalha. Os preços habituais oscilam entre 3 e 5 €/pessoa mas isto é meramente orientativo.
O grupo encarregará-se da gestom da bilheteira.
A Gentalha dará “tickets” de consumiçons às integrantes do grupo.
TÉCNICOS
A gestom técnica do som é responsabilidade do grupo solicitante. Mediando um pré-aviso razoável por parte da banda, e sempre que for possível, um dos nossos sócios poderá vir no dia do concerto para dar assistência com o material e o som, mas só como umha ajuda, sem que isto substitua os serviços dum ou umha técnica de som.
DE DIFUSOM E REDES
A Gentalha apoiará publicitaçom dos concertos no blogue, redes sociais e no mail semanal à base associada sempre e quando o cartaz esteja em galego escrito dacordo à ortografia reintegracionista. Se o grupo precisar ajuda para a correçom ortográfica, a Gentalha facilitará-a.
Porém, a Gentalha nom pode garantir umha boa assistência a todos os eventos que acolhe no seu local polo que é importante que os grupos se impliquem na difusom de quererem mobilizar gente.