MONOGRÁFICOS DO PICHEL JANEIRO-FEVEREIRO-MARÇO/2019

3 de Janeiro de 2019

Preço especificado em cada monográfico. Desconto de 2€ no preço do curso para pessoas associadas, desempregadas (deve acreditar-se) ou que frequentem mais dum curso.

Mínimo de inscriçons para um curso começar: 3 pessoas.

Com inscriçom prévia em gentalha@gentalha.org Dúvidas e esclarecimentos em gentalha@gentalha.org ou no 698142936 (de 19h a 22h).

IMG_20190101_194343

 

Francês básico para viaxar. Quintas-feiras de 19h30 a 20h30. Começo no 10 de Janeiro. Duraçom de tres meses. Preço total: 30€.

Curso de iniciaçom ao francês com conceptos básicos para comunicar-se em língua francesa. O curso adaptará-se à evoluçom e interesses do grupo sem perder o objetivo prático de poder manter umha conversa direta e singela.


Francês para quem sabe um chisco mais.
Quintas-feiras de 20h30 a 21h30. Começo no 10 de Janeiro . Duraçom de tres meses. Preço total: 30€.

Se já sabedes pedir um croissant e du pain au chocolat, neste curso poderemos conversar ademais também do tempo que fai ;)

Ambos cursos viram da mam de Maritxinha, minhense afincada em Compostela que estivo a viver durante anos em Bruxelas, e que compagina as aulas de francês com a música em diferentes grupos como baixista.

 

Mulheres de Açom… Directa  Terça-feiras de 20h a 21.30h. Começo no 5 de Fevereiro.  Duraçom de 2 meses (fevereiro e março) Preço: 17€/mês.

A História borrou-nos. Mas as mulheres sempre tivemos um papel central nos movimentos pela transformaçom social. De jeito dinámico e ativo, vamos descobrir diferentes experiências e estratégias de autoorganizaçom ao redor do mundo e no decorrer da história, com a ênfase no nosso País. Reescrever os relatos que nos contarom outros, fugir do etnocentrismo, repensar as luitas e… divertir-nos!

O obradoiro terá lugar num ambiente de segurança e bom trato. Estará dinamizado pela Escola de Formaçom Feminista ‘Larexa’. Carmen e Sara, as responsáveis, som agentes de Igualdade com experiência na docência e na facilitaçom de grupos. Aliás, as dúas estam envolvidas nos movimentos sociais e feministas da Galiza, assim como de diferentes lugares da Península.

 

Arredor do Bombo Segundas-feiras  11, 18 e 25 de Fevereiro e 11 e 18 de Março, de 20h a 21h30. Preço total de 25€.

Este monográfico pretende dotar aos e às  asistentes dumha visom deste instrumento na música tradicional galega, assi como vocabulário e recursos para introducir-se nos diferentes ritmos básicos da nossa música.

O monográfico será levado a cabo por José Antonio Vázquez Martínez, o qual começou a sua andaina na música tradicional da mam de Eduardo Méndez Baamonde (Dubi) e Lola Fernández Parada na Escola Municipal de Música da Corunha. Depois dum percorrido por grupos como o quarteto Os Fonte Suairas, ou o grupo de música de Xacarandaina, na actualidade ademais de dar aulas de gaita e percusom tradicional na A.F. Os Santiaguiños de Boimorto, forma parte dos grupos Os Viqueiras, assi como o grupo Tiruleque.

Desde a organizaçom achegaremos algúm bombo mas é convinte conseguir o instrumento para vir ao curso.

 

Mulheres ante a cámara. Fotografia e autorrepresentacom. Sextas- feiras 15 de Fevereiro de 19h a 21h. 22 de Fevereiro de 19h a 20h. Prezo total: 17€. Curso só para mulheres.

A través de fotógrafas clássicas e contemporâneas conheceram-se diferentes jeitos de autorrepresentaçom feminina, debaterá-se arredor dos selfies na era digital e explorará-se a cámara como ferramenta expresiva e artística para obter um retrato de seu.

A professora será Pilar Abades, fotógrafa e criadora audiovisual afincada no rural dezao. Desde o seu espazo de criaçom realiza reportagens comerciais, culturais e sociais. A sua obra está ligada ao relato do íntimo em primeira pessoa feminina e à produçom  editorial no quaderno de fotografía Caleidoscópica.