Quando começarom as obras nessa zona da cidade, era latente a precariedade laboral no centro cívico, a pandemia ameaçava e o bairro de Conjo vivia umha situaçom extraordinaria no seu dia a dia: a praça Aurelio Aguirre estava vazia!Como cantava a copla, “chamavam-lhe pequeno Obradoiro”, vaia, o monumento primava por riba dos interesses vizinhais (já sabem, cousas governamentais, mais umha vez). Na fim de semana do 28, igual que fai um ano, o CS a Gentalha do Pichel, foi convidado a participar no Entroido de Conxo, e fomos quem de comprovar que nada mais longe desse pequeno Obradoiro. Vizinhas e vizinhos reapropriarom-se mais umha vez do seu espaço e a praça ficava cheia de gente de toda Compostela que, desta vez, foi quem de celebrar um entrudo sem apropriarse nem gentrificar festas ancestrais doutros lugares, de maneira autogerida, num bairro da cidade. Com alegria e sentidinho, moita música, sombreiros e disfarces e cocido num jantar popular, e um meco, e um desfile, e generais e generalinhas… Enfim… viva Conxo! Viva o Pichel e Viva o Entroido!
