Deixamos-vos aqui imagens de mais umha festa do 17 que se fai o 13 e que tenta celebrar num dia a língua em que vivemos e que reivindicamos todo o ano.
O sábado foi um dia intenso, cheio de atividades e também imprevistos mas ficamos contentas porque mais umha vez resolverom-se, como di o cartaz, ‘tecendo comunidade’ e pensando coletivamente soluçons.
Queremos agradecer aos coletivos que celebrarom com nós, a Semente Compostela, A.C. Escloa Viva Antes, ITACA e Escola de Conxo.
As mulheres que nos ajudarom a refletir sobre o espólio com um colóquio sobre a comunidade da Banha afectada polos eólicos, sanidade pública, manipulaçom na RTVG : Belén Regueira, Aurora do Noval, Raquel Lema e Carmen Varela.
Os coletivos que sumarom atividades nessa semana Cineclube de Compostela e Avante LGBT+ Compostela
A pia piadosa polo desenhodo cartaz.
As empresas e cooperativas amigas: Bar 13 por colaborar mais um ano no prémio das rifas da cea (0 número premiado, o 281 já tem dona e estava na festa!) e em todo o demais…. A Legumia, Álvaro hogar, Sacauntos Cooperativa Gráfica e Libraría Couceiro por continuar ano após ano colaborando mensalmente com nós.
A quem nos ajudou a que a gente nom ficara com a boca seca a última hora: 13, Bar Avante e O Pozo.
As lojas do bairro que cederom produtos para fazer umha cesta jeitosinha na que ainda podedes participar comprando número no Pichel: alimentación Mari Carmen, Más que papel, A Cortadoría de Rosa e Moncho, padaria Mili Moure, Antonio Peluqueros, Quiosco San Roque, Tinta y tóner Basquinhos, golosinas Ke – Bel.
Aos grupos MJ Pérez, Flow do toxo, O Sonoro Maxín e Dj Russ, por ter vido e resistido as incertezas dos problemas técnicos.
Também a gente da casa: Miguel, o nosso técnico residente 
A Marta- Sombra por ter feito com todo o carinho uns calhos veganos que quem provou sabe que estavam deliciosos mesmo que nom chegaram a sábado.
A todas as persoas que botarom umha mam ou duas, as sócias e nom sócias, gente dos cursos, da comi do 17… e quem veu rebolar, mover os quadris, desfrutar da festa, da conversa e que vive em galego.
Desculpas polos falhos e imprevistos… Somos umha associaçom cultural autogerida… Fazemos o que podemos!
Continuamos… a polos vinte anos na defesa da língua e cultura que queremos!
