A associaçom cultural a Gentalha do Pichel é um projeto autogerido, que se sustenta a partir do trabalho, activismo e achegas econónicas das pessoas associadas.
Os cursos, além de serem um espaço de convívio e aprendizagem, som umha ajuda económica para manter o centro social, por isto pedimos o teu compromisso à hora de fazer o pagamento no início de cada mês.
Sem matrícula. Desconto de 2€ no preço do curso para pessoas associadas, desempregadas (deve acreditar-se) ou que frequentem mais dum curso.
Com inscriçom prévia em gentalha [arroba] gentalha.org
Dúvidas e aclaraçons em gentalha [arroba] gentalha.org ou 636 838 273
CURSOS 2013/204
DE MANHÁ
Gaita
Quartas feiras de 11h a 12h. Apresentaçom 15 de Outubro. Começo 22 de Outubro. Preço 20€.No curso fará-se umha aproximaçom à técnica do instrumento e aprenderemos algumhas peças. O curso irá da iniciaçom ao aperfeiçoamento, trabalhando ouvido, afinaçom e linguagem musical, com as noçons básicas de teoria e leitura aplicadas à prática da música tradicional. O professor será David Canto Veiga, gaiteiro iniciado na música tradicional na comarca da Marinha, para depois receber formaçom em percussom e requinta e flautas travessas em aCentral Folque e no Conservatório. Tocou com ”Acibreira” ou ”Quarteto da Gentalha”, além de gravar no último disco de Os Cempés e colaborar no último disco de Kepa Junquera.
Técnica de tamboril tradicional
Quartas feiras de 12h a 13h. Apresentaçom 15 de Outubro. Começo 22 de Outubro. Preço 16€.No curso de percussom praticará-se a técnica de tamboril tradicional (agarre das baquetas, batido e redobre, acentuado, etc), para a sua aplicaçom nos ritmos empregados na música tradicional galega. Fará-se um achegamento que permita a interpretaçom dum repertório variado que permita ao alunado densenvolver-se no acompanhamento da melodia. O professor será David Canto Veiga.
Iniciaçom à dança tradicional
Quartas feiras de 12h a 13h. Apresentaçom 15 de Outubro. Começo 22 de Outubro. Preço 15€Neste curso aprenderemos pontos de diferentes zonas da Galiza para podermos participar ativamente em festas e foliadas. Será com Fuensanta Nieto, vizinha de Compostela, que bailou em diferentes agrupaçons folclóricas da comarca.Também fijo algum trabalho de campo por diferentes lugares da Galiza para aprender, de primeira mao, as diferentes maneiras de bailar dos e das nossas velhas.
Canto e Pandeireta. Iniciaçom
Segundas feiras de 12h30 a 13h30. Apresentaçom 14 de Outubro. Começo 21 de outubro. Preço 16€As aulas de pandeireta e canto virám da mao de Carme Iglesias, integrante das Pandereteiras Bouba, da Pontragha. As pessoas velhas da comarca, de quem aprendeu a música, estám presentes no seu modo de tocar e ensinar. De Tordoia portas para fora… Começa a rota da pandeireta!
TaichiTerças e Quintas feiras de 09h30 a 10h30. Apresentaçom 15 de Outubro, começo 22 de Outubro. Preço 17€ Ao longo do curso achegaremo-nos de jeito introdutório à prática do taichi nos estilos Yang (académico) e Chen (tradicional), com traças de chikung. Tentaremos atender as dimensons terapêutica, ginástica, energética, artística e marcial do Taichi integrando-as numhas rotinas contínuas e dinámicas, personalizdas e acessíveis a qualquer praticante. Xavier Pinheiro, “Ghato”, leva 10 anos estudando artes marciais, os últimos seis focado no kungfu e no taichi-taikido.
À TARDE Dança tradicional para quem nom sabe nada Segundas Feiras de 20h a 21h. Apresentaçom 14 de Outubro. Começo 21 de Outubro. Preço 15€.Ensinada por Chus Caramés, que há décadas que anda no baile galego. Começa na sua terra natal para retomar na nossa comarca num grupo de baile da cidade, e continuar a dia de hoje reaprendendo em festas e foliadas. Além de bailadora e pandeireteira, é a organizadora dum evento muito importante para a musica tradicional do país, “os encontros de musica tradicional de Carvoeiro”.
Dança tradicional para quem sabe um chisco
Quartas feiras de 20h a 21h. Começo 6 de Novembro. Preço 15€Se já foste um aninho a dança é mais ou menos lembras o básico, este é o teu curso! Aqui afiançarás o aprendido e darás umha volta para continuares a desfrutar das festas e foliadas. Quem te ajudará é umha rapariga que sabe disso. Carme Campo aprendeu os primeiros pontos no Porrinho, aperfeiçoou-nos num grupo de Compostela e agora mantém-se aprendendo no dia a dia, em seráns e festivais de música tradicional.
Dança tradicional para quem sabe um chisco mais
Segundas feiras de 21h a 22h. Apresentaçom 14 de Outubro. Começo 21 de Outubro. Preço 15€Com Fuensanta Nieto aprenderemos alguns bailes de diferentes zonas para podermos continuar a participar ativamente em festas e foliadas, além de aperfeiçoar as técnicas do baile que já temos aprendidas doutros anos.
Pandeireta Iniciaçom e Aperfeiçoamento
Quartas-feiras. Iniciaçom de 19h a 20h. Aperfeiçoamento de 20h a 21h. Apresentaçom 16 de Outubro. Começo 23 de Outubro. Preço 14Nas aulas aprenderemos a tocar os ritmos básicos da música tradicional galega, mas também faremos exercícios de técnica, de improvisaçom e de acompanhamento a outras músicas que costumamos ouvir. Aitana Eanes, a professora, está acompanhada pola música tradicional desde 1997. Começou sob a direcçom do mestre Lolete como gaiteira, passando depois por outras agrupaçons como Airinhos de Fene . Formou-se em diferentes cursos com Eliseo Parra, Aleix Tobias ou Luis Prego, e tem colaborado em vários trabalhos discográficos e espectáculos. Desde há dez anos imparte aulas regulares e cursos intensivos na Galiza, na Catalunha (Coetus, escola folque do Pirineu) e Portugal.
Gaita
Quartas feiras de 19h a 20h . Apresentaçom 15 de Outubro. Começo 22 de Outubro. Preço 20€.No curso fará-se umha aproximaçom à técnica do instrumento e aprenderemos algumhas peças. O curso irá da iniciaçom ao aperfeiçoamento, trabalhando ouvido, afinaçom e linguagem musical, com as noçons básicas de teoria e leitura aplicadas à prática da música tradicional. O professor será David Canto , gaiteiro iniciado na música tradicional na comarca da Marinha, para depois receber formaçom em percussom e requinta e flautas travessas em aCentral Folque e no Conservatório. Tocou com ”Acibreira” ou ”Quarteto da Gentalha”, além de gravar no último disco de Os Cempés e colaborar no último disco de Kepa Junquera.
Música para peto. Harmónica e mais uns instrumentos miúdos. Segundas feiras de 19h a 20h. Apresentaçom 14 de Outubro. Começo 4 de novembro. Preço 20€. Duraçom de Novembro a Abril.Curso para todos os níveis sobre instrumentos que podem ser levados no peto, porque a música é o refúgio onde podermos agachar-nos contra o aborrecimento, a defesa da mediocridade. Curso para aprender/melhorar a tocar a harmónica em vários estilos (tradicional, folque, popular, blues…) e liçons para outros instrumentos: tarranholas, harpas de boca, assobios, culheres… O professor será Ariel Ninas (a.k.a. Mauro Sanín) músico polifacético associado à aCentral Folque, onde desenvolve a sua actividade profissional regular. Ainda que pouca gente o sabe, a harmónica é o seu primeiro instrumento, que toca desde os 14 anos e tivo em Marcos Coll (Reyes el K.O.) o seu professor. Como sanfonista, é membro da OMEGA (Orquestra de Música Espontánea da Galiza) e Ulobit (multimedia experimental).
Baixo eléctrico
Segundas feiras de 21h a 22h.Apresentaçom 14 de Outubro. Começo 21 de Outubro. Preço 20€Para poder chegar a mais gente e também dar um ensino melhor, veremos dous níveis: um primeiro nível elementar, onde conheceremos a técnica básica para podermos fazer soar o baixo com um som bom e achegar-nos à interpretaçom de pequenos ritmos com o nosso instrumento, como também começar a conhecer as escalas e os acordes. Um segundo nível intermédio que pretende uns objectivos mais altos, melhorar a técnica das duas maos e o slap e popping , trabalhar as escalas e os acordes com diferentes padrons rítmicos, a criaçom de linhas de baixo e por último a prática de diferentes estilos musicais no baixo eléctrico. O professor será Alberte Rodríguez, picheleiro de sempre. Estudou contrabaixo no Conservatório Superior de Música da Corunha e na Escola de Altos Estudos Musicais da Galiza, como também baixo eléctrico em Estudio, escola de música e em Aula Combo. Completou sua formaçom com diferentes cursinhos e aulas magistrais (Wolfgang Harrer, Diego Zecharies, N.H. Orsted Pedersen, Ferrán Sala, Fernando Flores ). Tocou, gravou ou colaborou como baixista ou contrabaixista em muitos grupos, entre eles: Tonhito de Poi e Rasa Loba, Orquestra de Cámara Galega, Xoán Curiel, Sergio Tannus, Emilio Rúa, Orquestra Sinfónica de Melide, Roi Casal, Ophiusa, Bea Porrúa, Silvia Ferre, Embrace Me Ocean e Carmen Dor. Na actualidade dedica-se ao ensino e à interpretaçom através da participaçom em: PELdeNOZ, CabRaret, Dios ke te crew, Pé de Boi, Kana Kaiana e Super-Sandwich
Canto e Pandeireta.
Intermédio Segundas feiras de 21h a 22h. Aperfeiçoamento Segundas feiras de 20h a 21h. Apresentaçom 14 de Outubro. Começo 21 de outubro. Preço 16€As aulas de pandeireta e canto virám da mao de Carme Iglesias, integrante das Pandeireteiras Bouba, da Pontragha. As pessoas velhas da comarca, de quem aprendeu a música, estám presentes no seu modo de tocar e ensinar. Desde Tordoia portas para fora… Começa a rota da pandeireta!
Guitarra. Nivel I: Terças Feiras de de 19h a 20h . Nivel II de 20h a 21h. Preço: 25 euros. Apresentaçom 15 de Outubro.Começo 22 de OutubroAs aulas terám um máximo de três pessoas por hora. Som ideais quer para gente que começa do zero, quer para quem já tem um nível médio. Nelas, trabalharám-se teoria, harmonia e técnica de forma conjunta. A ideia é fazer aulas divertidas onde a criatividade e a improvisaçom tenham um papel importante. Tocarám-se temas de diversos estilos (blues, rock, country, reggae, funk ) e temas que proponha o próprio alunado, se a complexidade do tema o permite. O professor será Benjamín Vázquez, professor em educaçom musical e actual guitarrista de The Lákazans.
Coro para o grupo coral Gaita Armada
Quartas feiras de 21h15 a 22h30. Apresentaçom 16 de Outubro. Começo 23 de Outubro. Preço 15€A música incide claramente nas emoçons, na educaçom e no pensamento-consciência das pessoas e dos povos, como em todas as artes. E como gozamos com ela! Bem diz o ditado “Quem canta os males espanta”. Cantarmos juntas: expressar, criar laços, sentir… juntas. No curso trabalharemos estes conteúdos: Atitude psico-física. Respiraçom. Voz: emissom, entoaçom e expressividade. Escuita. Noçons básicas da linguagem musical. Criatividade: escolha de repertório, criaçom com recursos próprios e adquiridos. Nom se requer experiência, só vontade. Todas temos umha voz maravilhosa por explorar. Vem cantar connosco! Nuria Lestegás, música de formaçom clássica na especialidade de violino. Canta em coro e outras agrupaçons desde criança, começando na Escola de Música de Jove e mais adiante no Obradoiro Vocal “A Vila” de Ponte Areias; “Cantigas e Agarimos”, Coro da Escola Estudio e Orfeón “Terra A Nosa”, em Compostela.
Francês Quartas feiras de 19h30 a 21h. Apresentaçom o 16 de Outubro.Começo o 23 de Outubro. Preço 15€. Duraçom de 3 meses.Este curso, para alunado com pouca ou nengumha relaçom anterior com esta língua, tenciona criar falantes capazes de expressar desejos, manter pequenos debates e desenvolver-se com normalidade num entorno francofalante. Aprenderás como com umhas simples noçons bem interiorizadas poderás descobrir as diferentes culturas que englobam o mundo francófono. Impartido por Céline Nédélec, lingüista bretoa afincada na Galiza, conta com estudos universitários no ensino da língua francesa e com umha experiência como docente na comarca desde há seis anos. Atualmente investiga em como contar os contos.
Tea & Sympathy: Clube de conversa em inglês Segundas feiras: Nível Intermédio I de 19h a 20h; Nível Intermédio II de 20h a 21h. Apresentaçom 14 de Outubro, começo o 21. Quintas Feiras: Nível Aperfeiçoamento I de 19h a 20h; Nível Aperfeiçoamento II de 20h a 21h. Apresentaçom 17 de Outubro, começo o 24. Grupos de 6/7 pessoas max. Preço 20€.Queres melhorar e/ou praticar os teus conhecimentos de inglês num ambiente relaxado e informal? Interessam-che temas relacionados com a cultura, o ambiente, o social etc…? Entom este curso é para ti! Nos cursos serve-se umha boa caneca de chá quentinho. Abster-se aquelas pessoas que preferirem um ‘relaxing café com leite’. ‘No tea, no life’ Curso impartido por Alfonso Barata, professor EFL ( English as a Foreign Language)
Português Terças Feiras de 20h30 a 21h30. Apresentaçom 15 de Outubro. Começo 22 de Outubro. Preço 14 euros Duraçom de 4 mesesCom cerca de 272,9 milhons de falantes, o português é a quinta língua mais falada no mundo. Neste curso vamos aprender aqueles conteúdos gramaticais, socioculturais e lexicais que nos ajudem a comunicar com oito países lusófonos, mas sempre tendo em conta que sermos galegas é uma entrada que favorece o acesso ao mundo em português. Nascida em Padrom em 1982, Carmen Saborido, é licenciada em Filologia pela USC. Desde 2006 é professora no ensino secundário e EOIs. É tradutora e corretora linguística. Também dá aulas a adultos em diversas associações. Simultaneia estas atividades com o labor como professora on-line no curso Falarmos Brasil, como conferencista no ateliê divulgador OPS: O Português Simples, e como redatora do blogue de temas lusófonos Lusopatia.wordpress.com.
Língua catalá Terças Feiras de 19h30 a 20h30.Apresentaçom 15 de Outubro. Começo 22 de Outubro. Preço 14 euros. Duraçom de 3 meses.O curso de língua catalá está dirigido a pessoas que queiram adquirir as ferramentas lingüísticas básicas para entender textos escritos e orais em catalám, de jeito que desenvolvam as habilidades necessárias para passar da compreensom da língua ao seu uso activo. Na aula, além de aprender catalám, o alunado conhecerá parte da história e da cultura catalá. A professora do curso será Helena Capera Cullell, jornalista catalá afincada na Galiza há seis anos. Trabalhou em distintos meios de imprensa escrita e rádio de Catalunha e tem especial interesse polas línguas e as suas falantes.
Árabe
Quintas feiras de 18h45 a 19h45. Apresentaçom 17 de Outubro. Começo 24 de Outubro. Preço 14 euros
A língua árabe é a mais falada entre as línguas semíticas com quase 422 milhons de falantes. Este curso centra-se na língua árabe clássica começando com o alfabeto, para continuar a aprender as normas gramáticas desde o início.
Nascida em Jerusalém em 1987, Samar Sabaté licenciada em Filologia e literatura inglesa com o subtítulo de literatura francesa na Universidade de Belém. Tem vários mestrados em filosofia, além de cursos de fotografia, jornalismo, avaliaçom compreensiva, ensino dinámico e focagens de aprendizagem e educaçom especial (nomeadamente em dificuldades de aprendizagem, cursados tanto na Universidade de Belém como na de Compostela). Também é co-tradutora do primeiro livro de Mahmud Darwish ao galego, “Carné de Identidade”, publicado com Barbantesa e tem experiência no ensino de línguas.Pilates Terças e Quintas feiras de 19h15 a 20h15. Apresentaçom 15 de Outubro. Começo 22 de Outubro. Preço 20€O sentido destas aulas de pilates é o da prevençom da apariçom de dores no corpo, sobretodo nas costas e a coluna vertebral, o de aliviar dores corporais e o da progressiva desapariçom dos mesmos em pessoas que já sofrem esse tipo de dores através dumha série de exercícios controlados. A mente e a respiraçom som parte fundamental para a correta realizaçom dos mesmos, sendo muito importante a relaçom corpo-mente através dos princípios de controlo, precisom, fluência, concentraçom, e respiraçom. Em resumo, praticando Pilates o teu corpo sorri! O professor será Leonardo, certificado polos e polas melhores profissionais do mundo, com ampla experiência em cursos, tanto a nível básico como para as pessoas mais exigentes, quem nom deixa de preparar-se e aprender dia a dia para proporcionar umha completa satisfaçom a todo o seu alunado….
Teatro Terças feiras de 20h15 a 22h15 Apresentaçom 15 de outubro. Começo 22 de outubro. Preço por confirmar.Neste obradoiro pretendemos investigar, através dos vários níveis de expressom que oferece o Teatro, o interior e o arredor de cada pessoa que conforme o grupo, assim como a interacçom do mesmo grupo, concluindo com umha representaçom cénica. Trabalharemos basicamente cinco vertentes: a expressom (oral e corporal), a imaginaçom e a criatividade, a comunicaçom, o autoconhecimento e a abordagem cultural. Salientar o carácter lúdico e de dinamizaçom social que implica a prática teatral. Zé Paredes, o professor, é actor e director de cena dedica-se à actividade profissional do teatro desde o ano 1996. Iniciou a sua formaçom no Porto, no Ballet-Teatro Escola Profissional. Em 2001 estabelece a sua relaçom com o teatro galego, através dumha co-produçom entre o Teatro do Noroeste, a Companhia de Teatro de Braga e o Centro Dramático Galego. Vive na Galiza desde 2002, tendo sido coordenador da Aula de Teatro da Universidade da Corunha e junto con Mónica Camaño cria o projecto Teatro Nu.
Fotografia I Quintas feiras de 21h a 22h. Apresentaçom 17 de Outubro, começo o 24 de Outubro. Preço 17 euros. Duraçom de 3 meses (Após estes 3 meses começará com o mesmo horário o curso de Fotografia II). Número mínimo de participantes: 5 pessoas.Mediante o curso pretende-se que o alunado tire o máximo proveito das suas cámaras, quer sejam compactas ou reflex, treinando o uso de todas as suas funçons assim como aprendendo os fundamentos básicos da fotografia, para desenvolver as suas potencialidades artísticas. Além disso, comentaremos os referentes históricos e artísticos necessários para compreender a importáncia histórica da fotografia na nossa sociedade. A professora será Rute André, apaixonada pola fotografia, que entende a arte como um exercício de lógica intelectual e análise, interessando-se pola funcionalidade e a racionalidade construtiva: a fotógrafa passa a ser umha engenheira visual ao serviço da sociedade. PARA CRIANÇAS TEMOS…
Esgrima medieval para gente pequena (Artes Marciais Históricas Europeias, 10 – 15 anos). Terças e Quintas feiras de 18h a 19h. Apresentaçom 15 de Outubro, começo 22 de Outubro. Preço 20€Quem nom sonha ser uma valerosa guerreira, ou um cavaleiro em brilhante armadura? Se tu também viste os filmes e ficaste com vontade de ser umha das protagonistas, junta-te a nós e aprende a utilizar uma espada de verdade! As Artes Marciais Históricas Europeias som as técnicas de luita com diversas espadas e outras armas, e sem elas, que se praticaram na Galiza e na Europa desde a Idade Média até o S.XIX. Neste curso aprenderemos como luitar coma uma guerreira do Senhor dos Anéis de forma real, divertida e sobretodo, segura. Utilizaremos simuladores de escuma para vos iniciar nesta atividade, e poderás ver e tocar as espadas autênticas que se utilizam quando tiveres um nível maior. Olha uma mostra: www.ir.gl/hema-crianzas . As aulas estarám a cargo da Sala Compostelá de Esgrima Antiga, uma associaçom que há seis anos que ensina artes marciais históricas na nossa cidade. É umha das oito entidades federadas na Associaçom Galega de Esgrima Antiga. Vários dos seus membros publicam livros sobre esgrima histórica na editorial AGEA Editora, e pertencem à Historical European Martial Arts Coalition. Treina anualmente um grupo dumas 20 adultas, e está a espalhar a atividade às pessoas mais novas. Além de um entretimento e um bom exercício fisico, é uma forma de conhecer a nossa história e simultaneamente adquirir aptitudes adaptáveis também à defesa pessoal. ______________________________________________________________________________ OS CURSOS DA SEMENTE DURAÇOM: trimestral com possibilidade de continuaçom PREÇO DE CADA CURSO: 18€ MATRÍCULA: 15€
DESCONTOS: Sócias da Semente ou da Gentalha do Pichel: 15€ Para mais dum curso: 15€ Irmás ou irmaos: 15€INSCRIÇONS: Por mail: info[arroba]sementecompostela[
DANÇA TRADICIONAL terças de 17h00 a 18h00 ou de 18h00 a 19h00. Começo 15 de Outubro. Preço 18€
Com Marta Otero García
estudou Magistério na especialidade de Educaçom Musical na USC. Trabalha como monitora desde 2006 e há 2 anos que dá aulas de Baile e Dança Tradicional.
PINTURA CRIATIVA Quintas de 17h00 a 18h00 ou de 18h00 a 19h00. Começo 17 de Outubro. Preço 18€Com Natalia Emilio Horschovski Nascida em Buenos Aires, é umha artísta plástica que se formou na escola de Belas Artes Fernando Fader. Actualmente compagina a sua faceta artística com obradodoiros de pintura.
E ISTO É TEATRO? A diversidade da cena sextas de 17h00 a 18h00 ou de 18h00 a 19h00. Começo 18 de Outubro. Preço 18€Com Xiana Carracelas Licenciada em História da Arte e titulada em Arte Dramática. Nestes anos tem desenvolvido a sua actividade tanto no plano actoral como na criaçom de diferentes propostas cénicas multidisciplinares, com que participa em festivais nacionais e internacionais.