Hoje espertamos com umha notícia bem fermosa, recebemos o prémio da Fundaçom Meendinho este 2024! Só temos palavras de agradescimento para as organizadoras do certame polo reconhecimento outorgado. Após 20 anos de atividade, somos conscientes de que o trabalho da Gentalha trascende o ativismo linguístico mas nunca perdemos de vista aquele objetivo inicial que em janeiro de 2004 nos reunia para impulsionar um espaço monolingue em galego e que normalizasse o uso da norma reintegracionista num contexto urbano cada vez mais castelhanizado.
E este mesmo objetivo partilhamo-lo com muitos outros centros sociais que, em definitiva, trabalhamos por fazer da Galiza um país normal, no que o uso da língua própria nom seja algo extraordinário ou umha sorte de épica façanha. Por isso este prémio é de todos os centros sociais do País que vertebramos umha alternativa ao uniformismo oferecido polos que pretendem umha terra dominada, botando-lhe imaginaçom para podermos sustentar um trabalho social e político livre, auto-organizado e independente das instituiçons que gerem o capitalismo. Este galardom está dedicado a vós, à gentalha que dia a dia se nega a deixar a Galiza morrer.
